IPL ટ્રેડિંગમાં હલચલ: શમી હવે નહીં રમે હૈદરાબાદ માટે, આ ટીમ કરશે વેલકમ!

IPLની 19મી સિઝનનું ટ્રેડ ચાલુ છે. ફ્રેન્ચાઇઝી તેમની જરૂરિયાતોના આધારે ખેલાડીઓને રિલીઝ કરી રહી છે. આ વર્ષે સંજુ સેમસન રાજસ્થાન રોયલ્સ છોડીને ચેન્નાઈ સુપર કિંગ્સ માટે જશે તે નિશ્ચિત લાગે છે. આ દરમિયાન, ખેલાડી મોહમ્મદ શમીના ટ્રેડની અફવાઓ ચર્ચામાં છે. શમી અગાઉ સનરાઇઝર્સ હૈદરાબાદ માટે રમી રહ્યો હતો,

પરંતુ ફ્રેન્ચાઇઝીએ હવે તેને બીજી ટીમમાં મોકલવાનો નિર્ણય લીધો છે. જેનું મુખ્ય કારણ BCCI પસંદગી સમિતિ દ્વારા રાષ્ટ્રીય ટીમ માટે તેની અવગણના કરવામાં આવી છે. શમી સતત રમી રહ્યો છે અને ઘરેલુ ક્રિકેટમાં સારું પ્રદર્શન કરી રહ્યો છે, છતાં તેને ટીમ ઈન્ડિયામાં સ્થાન મળ્યું નથી.

• 10 કારોડ રૂપિયામાં કર્યો ટ્રેડ

હૈદરાબાદે શમીને લખનૌ સુપર જાયન્ટ્સમાં ટ્રેડ કરવાનો નિર્ણય લીધો છે. એક અહેવાલ મુજબ, લખનૌ શમી માટે કોઈ ખેલાડી ઓફર કરી રહ્યું નથી પરંતુ તેના માટે સંપૂર્ણ રકમ ચૂકવી રહ્યું છે, જે 10 કરોડ રૂપિયા છે. હૈદરાબાદે ગયા વર્ષે પણ એટલી જ રકમમાં શમીને ખરીદ્યો હતો.

શમી ગયા વર્ષે હૈદરાબાદ માટે 14 મેચ રમ્યો હતો, જેમાં તે ફક્ત છ વિકેટ જ લઈ શક્યો હતો. જોકે, તે પહેલાં, જ્યારે તે ગુજરાત ટાઇટન્સ સાથે હતો, ત્યારે હૈદરાબાદે ખૂબ સારું પ્રદર્શન કર્યું હતું. તેના આધારે, હૈદરાબાદે શમીને ખરીદ્યો હતો, પરંતુ શમીએ નિરાશ કર્યો હતો.

• લખનૌની બોલિંગ હવે થશે મજબૂત

શમીના આગમનથી લખનૌની બોલિંગ મજબૂત થશે. તેની સાથે ટીમ ઈન્ડિયાના ભૂતપૂર્વ બોલિંગ કોચ ભરત અરુણ પણ જોડાશે. આ જોડી લખનૌને નોંધપાત્ર રીતે મજબૂત બનાવી શકે છે.

અરુણને લખનૌના ખેલાડીઓને વધુ મજબૂતીથી ટ્રેન કરવા માટે નિયુક્ત કરવામાં આવ્યા છે. લખનૌના ત્રણ ભારતીય બોલર હાલમાં ફિટનેસ સમસ્યાઓનો સામનો કરી રહ્યા છે. આવેશ ખાન, મોહસીન ખાન અને મયંક યાદવ હાલમાં તેમની ઇજાઓ પર કામ કરી રહ્યા છે. શમીના આગમનથી ટીમ મજબૂત બનશે.

• મુંબઈએ પણ કરી તેમની ટીમ મજબૂત

મુંબઈ ઈન્ડિયન્સે શાર્દુલ ઠાકુરને ટીમમાં સામેલ કર્યો છે. લખનૌ સુપર જાયન્ટ્સે ગયા વર્ષે પણ શાર્દુલ ઠાકુરને રિપ્લેસમેન્ટ ખેલાડી તરીકે ₹2 કરોડમાં ખરીદ્યો હતો. IPLની એક પ્રેસ રિલીઝમાં કહેવામાં આવ્યું હતું કે, “બંને ફ્રેન્ચાઇઝી વચ્ચે થયેલા કરાર બાદ, લખનૌ સુપર જાયન્ટ્સનો ઓલરાઉન્ડર શાર્દુલ ઠાકુર મુંબઈ ઇન્ડિયન્સ તરફથી રમવા માટે તૈયાર છે.

મુંબઈના આ ઓલરાઉન્ડરને લખનૌ સુપર જાયન્ટ્સે લીગની 18મી સીઝન માટે ₹2 કરોડમાં રિપ્લેસમેન્ટ તરીકે પસંદ કર્યો હતો, જેમાં તે 10 મેચોમાં દેખાયો હતો. આ ઓલરાઉન્ડરને મુંબઈ ઇન્ડિયન્સ સાથે તેના વર્તમાન ખેલાડી પગાર ₹2 કરોડમાં વેચવામાં આવ્યો છે’.