Kalki 2 Casting Update: શું પ્રિયંકા ચોપરા દીપિકાની જગ્યા લેશે?

Kalki 2 Priyanka Chopra: નાગ અશ્વિનની ‘કલ્કી 2898 AD’ ની સિક્વલમાંથી દીપિકા પાદુકોણ હવે સત્તાવાર રીતે બહાર થઈ ચૂકી છે. ફિલ્મના નિર્માતાઓએ તેમના X હેન્ડલ પર જાહેરાત કરી હતી કે લાંબી ચર્ચાઓ છતાં તેઓ અને દીપિકા વચ્ચે ભાગીદારી શક્ય બની નહીં. અહેવાલો મુજબ, દીપિકાની 25% વધુ ફી અને 8 કલાકની વર્ક શિફ્ટની માંગને કારણે ટીમ સાથે અણબનાવ થયો હતો.

આ વચ્ચે, દીપિકાના સ્થાન માટે પ્રિયંકા ચોપરાનું નામ સૌથી આગળ છે. મીડિયા રિપોર્ટ્સ અનુસાર, પ્રિયંકા આ પ્રોજેક્ટ માટે વાટાઘાટો કરી રહી છે, પરંતુ તેણે પણ દીપિકા જેટલી જ ફી માંગણી કરી છે. ઉપરાંત, તેણે પોતાની માતાની ફરજો નિભાવવા માટે ફિલ્મ શેડ્યૂલમાં સુગમતા રાખવા વિનંતી કરી છે. જોકે, તે પોતાની પુત્રી સાથે શૂટિંગ દરમિયાન મુસાફરી કરવા તૈયાર છે, એટલે આ મોટો અવરોધ નથી.

માત્ર પ્રિયંકા જ નહીં, અન્ય મોટા નામો પણ રેસમાં છે. અહેવાલો મુજબ, આલિયા ભટ્ટ, સાઈ પલ્લવી અને અનુષ્કા શર્માને પણ આ ભૂમિકા માટે કન્સીડર કરવામાં આવી રહ્યા છે. નિર્માતાઓ એવી અભિનેત્રી શોધી રહ્યા છે જે સ્ટાર પાવર અને સ્ક્રીન ઈમ્પેક્ટમાં પ્રભાસની સમકક્ષ દેખાય.

હવે જોવાનું એ છે કે ‘કલ્કી 2’ માં પ્રભાસની સામે અંતે કઈ લીડ એક્ટ્રેસને ફાઈનલાઇઝ કરવામાં આવશે. પ્રશંસકો આ મોટા અપડેટની આતુરતાથી રાહ જોઈ રહ્યા છે.