ભારતીય ક્રિકેટર સાથે નામ જોડાયું? ખુશી મુખર્જીએ સૂર્યકુમાર યાદવ અંગે કર્યો મોટો ખુલાસો

અભિનેત્રી અને મોડેલ ખુશી મુખર્જી ફરી એકવાર પોતાના નિવેદનને કારણે ચર્ચામાં આવી છે. સોશિયલ મીડિયા પર પોતાની બોલ્ડ છબિ અને સ્પષ્ટવક્તા સ્વભાવ માટે જાણીતી ખુશીએ આ વખતે ભારતીય T20 કેપ્ટન સૂર્યકુમાર યાદવ વિશે ચોંકાવનારો દાવો કર્યો છે.

એક ઇન્ટરવ્યુ દરમિયાન ખુશી મુખર્જીએ જણાવ્યું,

“ઘણા ક્રિકેટરો મારા પાછળ હતા. સૂર્યકુમાર યાદવ મને ઘણા મેસેજ કરતા હતા, પરંતુ હવે અમે વધારે વાત કરતા નથી.”

તેમણે સાથે જ સ્પષ્ટ કર્યું કે આ મામલે કોઈપણ પ્રકારનો લિંક-અપ નથી.

ખુશીનું કહેવું છે કે તે અંગત સંબંધોને જાહેરમાં લાવવાની માન્યતા રાખતી નથી.

“હું કોઈ સાથે જોડાવા માગતી નથી અને મારા નામ સાથે અફવાઓ ફેલાય એ મને પસંદ નથી,” તેમ તેણે કહ્યું.

અભિનેત્રીએ સ્વીકાર્યું કે સોશિયલ મીડિયા પર નાની બાબત પણ મોટી ચર્ચા બની શકે છે, તેથી તે આવા મુદ્દાઓથી જાણબૂઝીને દૂર રહે છે.

ખુશી મુખર્જી કોણ છે?

24 નવેમ્બર 1996ના રોજ કોલકાતામાં જન્મેલી ખુશીએ 2013માં તમિલ ફિલ્મ અંજલિ થુરાઈથી અભિનયની શરૂઆત કરી હતી. ત્યારબાદ તેલુગુ અને હિન્દી ફિલ્મોમાં કામ કર્યું, પરંતુ તેને ખાસ ઓળખ ટેલિવિઝન અને રિયાલિટી શોથી મળી.

તે MTV Splitsvilla 10, Love School 3, તેમજ ટીવી શો બાલવીર રિટર્ન્સ અને કહત હનુમાન જય શ્રી રામમાં જોવા મળી ચૂકી છે. હાલ ખુશી વેબ સિરીઝ અને સોશિયલ મીડિયા પર ખાસ કરીને પોતાની બોલ્ડ ઈમેજને કારણે ચર્ચામાં રહે છે.

ખુશીના આ નિવેદન બાદ ક્રિકેટ અને મનોરંજન જગતમાં ચર્ચાઓ તેજ બની છે, જોકે અભિનેત્રીએ સ્પષ્ટ કરી દીધું છે કે આ મામલે કોઈ રોમેન્ટિક સંબંધ નથી.