વર્લ્ડ કપ અધવચ્ચે છોડી રિંકુ સિંહ પિતા પાસે હોસ્પિટલ પહોંચ્યો ; પિતાની નાજુક હાલત

અહેવાલો મુજબ, રિંકુના પિતા લિવર કેન્સરથી પીડાઈ રહ્યા છે અને હાલ વેન્ટિલેટર સપોર્ટ પર છે. પરિવાર માટે આ મુશ્કેલ સમયમાં રિંકુએ ટીમ છોડીને પરિવારને પ્રાથમિકતા આપી. ટીમ મેનેજમેન્ટે પણ તેમની પરિસ્થિતિને સમજતા પૂરતો સહકાર આપ્યો હોવાનું કહેવાય છે.

ઝિમ્બાબ્વે સામે વાપસી શક્ય

માહિતી મુજબ, રિંકુ 25 ફેબ્રુઆરીએ ફરી ચેન્નાઈ પરત ફરશે અને 26 ફેબ્રુઆરીએ ઝિમ્બાબ્વે સામેની સુપર-8 મેચ માટે ઉપલબ્ધ રહેશે. જોકે અંતિમ નિર્ણય ટીમ મેનેજમેન્ટ લેશે. જો રિંકુ મેચ-ફિટ ન હોય, તો તેમના સ્થાને સંજુ સેંમસનને તક મળી શકે છે.

ફોર્મ અને ટીમ કોમ્બિનેશનની પડકારો

આ વર્લ્ડ કપમાં રિંકુનું પ્રદર્શન ખાસ રહ્યું નથી. પાંચ ઇનિંગ્સમાં માત્ર 24 રન બનાવતા તેમની પર દબાણ વધી રહ્યું છે. દક્ષિણ આફ્રિકા સામે તેઓ શૂન્ય રને આઉટ થયા હતા. ભારતીય ટીમમાં લેફ્ટ હેન્ડેડ બેટ્સમેનોની સંખ્યા વધુ હોવાથી વિરોધી ટીમો ઑફ-સ્પિનરોનો વ્યૂહાત્મક ઉપયોગ કરી રહી છે. આ પરિસ્થિતિમાં ટીમ કોમ્બિનેશનમાં ફેરફાર થવાની સંભાવના છે.