Fruits For Liver Health: લીવરને રાખવું છે પાવરહાઉસ જેવું મજબૂત? તો આ સુપરફૂડ ફળોને ડાયટમાં ચોક્કસ સામેલ કરો!

સમગ્ર સ્વાસ્થ્યને જાળવી રાખવા, શરીરમાંથી ઝેરી તત્વોને દૂર કરવા અને પાચનક્રિયામાં મહત્ત્વની ભૂમિકા ભજવે છે. જો તમે તમારા લીવરને હંમેશા સ્વસ્થ રાખવા માંગતા હો, તો સંતુલિત આહાર, સારી જીવનશૈલીની સાથે ડાયટમાં અમુક ફળોને ચોક્કસપણે સામેલ કરવા જોઈએ. આ ફળોમાં રહેલા એન્ટીઑકિસડન્ટ અને ફાઇબર હેલ્ધી લાઇફસ્ટાઇલ સાથે મળીને લીવરમાંથી ચરબી ઘટાડવામાં મદદ કરે છે, જેનાથી ફેટી લીવર અને અન્ય લીવર રોગોનું જોખમ ઘટી શકે છે.

• ખાટાં ફળો

કીવી, લીંબુ, સંતરા અને મોસંબી (નારંગી) જેવા ખાટાં ફળો લીવરના સ્વાસ્થ્ય માટે ઉત્તમ ગણાય છે. આ ફળો વિટામિન સી અને એન્ટીઑકિસડન્ટોથી ભરપૂર હોય છે. તે રોગપ્રતિકારક શક્તિ વધારે છે અને લીવરને ઝેરી તત્વોથી બચાવવામાં મદદ કરે છે. તેમાં રહેલા એન્ટીઑકિસડન્ટ લીવરમાં થતી બળતરા પણ ઘટાડે છે અને ફેટી લીવરને વધતું અટકાવવામાં મદદરૂપ થઈ શકે છે.

• સફરજન

તમે સાંભળ્યું જ હશે કે ‘An apple a day keeps the doctor away’ (દરરોજ એક સફરજન ડોક્ટરને દૂર રાખે છે). સફરજન ખરેખર પોષક તત્વોનો ખજાનો છે, જે લીવર સહિત શરીરના દરેક અંગને ફાયદો પહોંચાડે છે. સફરજનમાં પેક્ટીન નામનું સોલ્યૂબલ ફાઇબર હોય છે. આ ફાઇબર પેટ અને પાચનતંત્રમાંથી ઝેરી તત્વોને બહાર કાઢવામાં મદદ કરે છે. જ્યારે શરીરમાંથી ટોક્સિન્સ નીકળી જાય છે, ત્યારે લીવર પરનું દબાણ ઓછું થાય છે. નિયમિતપણે સફરજન ખાવાથી લીવરમાં ચરબી જમા થવાનું જોખમ પણ ઓછું થાય છે.

• બેરીઝ

બ્લૂબેરી, બ્લેકબેરી, રાસબેરી અને સ્ટ્રોબેરી જેવા તમામ પ્રકારના બેરીઝ શક્તિશાળી એન્ટીઑકિસડન્ટોથી ભરપૂર હોય છે. આ એન્ટીઑકિસડન્ટો લીવરને ડેમેજ થવાથી બચાવે છે. ખાસ કરીને બ્લૂબેરી અને ક્રેનબેરીમાં એન્થોસાયનિન નામના એન્ટીઑકિસડન્ટ હોય છે, જે લીવરના કોષોને ખતરનાક ઓક્સિડેટીવ તણાવ અને બળતરાથી રક્ષણ પૂરું પાડે છે. લીવરના સ્વાસ્થ્ય માટે સારો આહાર, પૂરતી ઊંઘ અને નિયમિત વ્યાયામ અત્યંત જરૂરી છે. આ ફળોને તમારા દૈનિક આહારમાં સામેલ કરવાથી તમારા લીવરને લાંબા ગાળે સુરક્ષિત અને કાર્યક્ષમ રાખી શકાય છે.