શિયાળામાં આરોગ્ય માટે ગાજર કે મૂળા: કયા વધુ ફાયદાકારક?

શિયાળાના સમયમાં બજારમાં ગાજર અને મૂળી ખૂબ મળે છે. લોકો તેનો વિવિધ રીતે ઉપયોગ કરે છે. કોઈ ગાજરનું અથાણું બનાવે છે તો કોઈ ગાજરનો હલવો બનાવે છે. મૂળાનું પણ એવું જ છે. કેટલાક લોકોને મૂળાના પરોઠા ગમે છે તો કેટલાકને મૂળો સલાડ તરીકે ખાવો ગમે છે.

બંનેમાં અનેક પોષક તત્વો હોય છે જે આરોગ્યને ફાયદો પહોંચાડે છે. પરંતુ ઘણા લોકોના મનમાં પ્રશ્ન રહે છે કે ગાજર કે મૂળો પૈકી આરોગ્ય માટે વધુ ફાયદાકારક શું છે?

• ગાજરના પોષક તત્વો

ગાજર વિટામિન A,વિટામિન K1,પોટેશિયમ અને ફાઈબરનો ઉત્તમ સ્ત્રોત માનવામાં આવે છે. તેમાં વિટામિન B6, વિટામિન C અને બાયોટિન જેવા અન્ય પોષક તત્વો પણ ભરપૂર હોય છે. એટલે તેનો ઉપયોગ તમને ઘણા આરોગ્ય લાભ આપી શકે છે.

• ગાજર ખાવાના ફાયદા

આંખો માટે: ગાજરમાં વિટામિન A અને બિટા-કેરોટીન વધારે માત્રામાં હોય છે, જે આંખોની રોશની વધારવામાં અને આંખોને સ્વસ્થ રાખવામાં મદદ કરે છે.

પાચનતંત્ર માટે: ગાજરમાં ફાઈબર સારી માત્રામાં હોય છે, જે કબજિયાત દૂર કરવામાં અને પાચન પ્રક્રિયા સુધારવામાં મદદ કરે છે.

હૃદયના આરોગ્ય માટે: ગાજરમાં પોટેશિયમ, ફાઈબર અને ઍન્ટિ-ઑક્સિડન્ટ્સ હોય છે, જે બ્લડ પ્રેશર નિયંત્રિત રાખવામાં અને હૃદયરોગનું જોખમ ઘટાડવામાં મદદરૂપ થાય છે.

વજન ઘટાડવામાં સહાયક: ફાઈબરથી સમૃદ્ધ ગાજર લાંબા સમય સુધી પેટ ભરેલું રાખે છે, જેથી તમે વધુ ખાવાથી બચો છો અને તે વજન ઓછું કરવામાં મદદ કરે છે.

ત્વચા અને વાળ માટે: ગાજરમાં રહેલા ઍન્ટિ-ઑક્સિડન્ટ્સ અને વિટામિન્સ ત્વચાને હાઈડ્રેટ રાખે છે, તેને તેજસ્વી બનાવે છે અને કરચલીની સમસ્યામાં રાહત આપે છે.

મૂળાના પોષક તત્વો

મૂળો વિટામિન C,પોટેશિયમ, મેગ્નેશિયમ અને ફોલેટ જેવા પોષક તત્વોથી સમૃદ્ધ હોય છે. તેમાં ફાઈબર, કૅલ્શિયમ, આયર્ન અને વિટામિન B6 જેવા મહત્વના પોષક તત્વો પણ હોય છ.

• મૂળાના ફાયદા

પાચનતંત્ર માટે: મૂળામાં ફાઈબર ઊંચી માત્રામાં હોય છે, જે કબજિયાત અને અન્ય પાચન સમસ્યાઓ દૂર કરવામાં મદદ કરે છે અને આંતરડાને સ્વસ્થ રાખે છે.

રોગપ્રતિકારક શક્તિ: મૂળામાં વિટામિન C હોય છે, જે શરદી-ખાંસી સામે લડવામાં અને ઇમ્યુનિટીને મજબૂત બનાવવા મદદ કરે છે.

હાઈડ્રેશન માટે: મૂળામાં પાણીની માત્રા વધારે હોય છે, જે શરીરને હાઈડ્રેટ રાખવામાં મદદરૂપ છે.

હાડકાં માટે: મૂળામાં કૅલ્શિયમ અને ફોસ્ફરસ જેવા ખનિજ હોય છે, જે હાડકાંને મજબૂત બનાવે છે.

બ્લડ પ્રેશર માટ: પોટેશિયમથી ભરપૂર મૂળા બ્લડ પ્રેશર નિયંત્રિત રાખવામાં મદદ કરે છે.

• વધુ ફાયદાકારક શું છે?

જો તમને આંખોની તંદુરસ્તી અને વિટામિન Aની જરૂરિયાત વધારે હોય, તો ગાજર વધુ સારી પસંદગી છે. જો તમે પાચન, વિટામિન C અને કબજિયાત જેવી સમસ્યાઓ સુધારવા માંગો છો, તો મૂળા તમારા માટે વધુ ફાયદાકારક હોઈ શકે છે.