Mindful Eating Benefits : શું તમે ખરેખર ભૂખ્યા છો કે ફક્ત બોર થઈને ખાઈ રહ્યા છો?

દોડધામભરી જીવનશૈલીમાં એવા દિવસો ખૂબ ઓછા આવે છે જ્યારે આપણે ભોજનને આરામથી અને સ્વાદ માણીને ખાઈ શકીએ અથવા ભોજન દરમિયાન ફોન કે ટીવીથી દૂર રહી શકીએ. તેના કારણે આપણને ભોજનનો સાચો સ્વાદ પણ સમજાતો નથી અને પેટ ભરાયું હોવાનો અહેસાસ પણ થતો નથી. આવા સમયમાં માઇન્ડફુલ ઇટિંગની આદત મોટો ફેરફાર લાવી શકે છે. આવો જાણીએ કે તે શું છે, તેના ફાયદા શું છે અને આપણે તેને દૈનિક જીવનમાં કેવી રીતે અપનાવી શકીએ?

શું છે માઇન્ડફુલ ઇટિંગ
આ આદત આપણને ભોજન કરતી વખતે સંપૂર્ણ ધ્યાન ખોરાક પર કેન્દ્રિત રાખવાનું શીખવે છે. આવું કરવાથી ભૂખ લાગવી અને પેટ ભરાવાનું સાચું ભાન થાય છે. આ રીતે કરી શકાય માઇન્ડફુલ ઇટિંગ:

• બીજો કોળિયો લેતા સમયે ચમચી થાળીમાં મૂકી દો.
• દરેક કોળિયાને 30-32 વાર ચાવો.
• ખોરાકની સુગંધ, ટેક્સચર અને સ્વાદનો અનુભવ કરો
• સ્ક્રીન અને અવાજથી દૂર શાંત જગ્યાએ બેસીને ભોજન કરો

આ ફાયદા મળશે

• પાચનમાં સુધારો થાય છે: ખૂબ ઝડપથી ખાવાથી પાચન બગડે છે અને સમય જતાં તેની ખરાબ અસર શરીર પર દેખાય છે. જ્યારે માઇન્ડફુલ ઇટિંગ આ સમસ્યાઓથી બચાવે છે.
• ઓવરઇટિંગ ટળે છે: જ્યારે આપણે ખાઈ રહ્યા હોઈએ ત્યારે પેટ ભરાયું હોવાનો સંકેત મગજ સુધી પહોંચવામાં લગભગ 20 મિનિટ લાગે છે. તેથી ધીમે અને સમય લઈને ખાવું જોઈએ.
• બ્લોટિંગ નહીં થાય: ખૂબ ઝડપથી ખાવાથી આપણે વધારાની હવા પણ અંદર લઈ લઈએ છીએ, જેના કારણે ગેસ અને પેટ ફૂલવાની સમસ્યા થાય છે. માઇન્ડફુલ ઇટિંગ આ તકલીફોથી બચાવે છે.

આ રીતે કરી શકાય પ્રેક્ટિસ

• ભોજન કરતી વખતે ફોન અથવા સ્ક્રીનથી દૂર રહો.
• સ્વચ્છ અને ગોઠવેલી જગ્યાએ બેસીને ખાવો.
• આસપાસ ગંદકી અથવા ધ્યાન ભટકાવનાર વસ્તુઓ ન હોવી જોઈએ.
• ખોરાકની સુગંધ, રંગ અને ટેક્સચર અનુભવવા માટે તમારી ઇન્દ્રિયોને સમય આપો અને તેને અનુભવો.
• એકથી દસના સ્કેલ પર તમારી ભૂખ માપો અને પછી નક્કી કરો કે તમારે કેટલું ખાવું છે.
• દરેક કોળિયાને સારી રીતે ચાવો, તેને ગળવામાં ઉતાવળ ન કરો.
• પોર્શન સાઇઝ નિયંત્રિત કરવા માટે ભોજન હંમેશાં નાના બાઉલ અથવા થાળીમાં પીરસો. તેનાથી ઓવરઇટિંગ અને ખોરાકની બરબાદી બંનેથી બચી શકશો.
• ભોજનનો એક નક્કી સમય બનાવો અને તે દરમિયાન બીજું કોઈ કામ ન કરો.

આ દેશોમાં સ્લો ઇટિંગ માટે મળે છે લાંબો લંચ બ્રેક
માઇન્ડફુલ ઇટિંગના મહત્વને સમજતા ફ્રાન્સ, સ્પેન અને ઇટાલી જેવા યુરોપીય દેશોમાં લંચ બ્રેક ઘણો લાંબો હોય છે. જ્યારે યુનાઇટેડ કિંગડમમાં તેનો સમય ધીમે ધીમે ઓછો થતો જાય છે.