Jammu and Kashmirમાં લશ્કરના આતંકવાદી મોહમ્મદ કટારિયાની ધરપકડ, પહેલગામ હુમલા સાથે જોડાયેલા છે તાર
જમ્મુ અને કાશ્મીર પોલીસને મોટી સફળતા મળી છે. પોલીસે પહેલગામ આતંકવાદી હુમલો કરનારા આતંકવાદીઓના એક સાથીની ધરપકડ કરી છે. પોલીસે લશ્કર-એ-તૈયબા (TRF) ના સક્રિય સભ્ય મોહમ્મદ યુસુફ કટારિયા નામના આતંકવાદીની ધરપકડ કરી છે.
તપાસમાં જાણવા મળ્યું કે કટારિયાએ આતંકવાદીઓને લોજિસ્ટિકલ સપોર્ટ પૂરો પાડ્યો હતો અને તેમના હુમલાઓનું આયોજન કરવામાં મદદ કરી હતી. જોકે, તે બૈસરન આતંકવાદી હુમલામાં સીધો સંડોવાયેલો નહોતો.
કટારિયાની આજે વહેલી સવારે ધરપકડ કરવામાં આવી
પોલીસ સૂત્રોના જણાવ્યા અનુસાર, કટારિયાની આજે વહેલી સવારે ધરપકડ કરવામાં આવી હતી. શ્રીનગર પોલીસ અને જમ્મુ અને કાશ્મીર પોલીસ દ્વારા બ્રિનાલ-લામડ વિસ્તારમાં સંયુક્ત કાર્યવાહીમાં આ ધરપકડ કરવામાં આવી હતી.
કટારિયા કુલગામના ઉપરના વિસ્તારોમાં રહેતા વિચરતી સમુદાયના છે, જેમની ઝૂંપડીઓ પહાડી વિસ્તારોમાં આવેલી છે. લશ્કર-એ-તૈયબાના આતંકવાદીઓ દ્વારા દક્ષિણ કાશ્મીરના વિવિધ વિસ્તારોમાં પ્રવેશ મેળવવા માટે આ વિસ્તારોનો વારંવાર ઉપયોગ કરવામાં આવે છે.
