OpenAIએ ખરીદી એપલની સૌથી મોટી એપની ટીમ, શું છે સેમ ઓલ્ટમેનની યોજના?

OpenAIએ સોફ્ટવેર એપ્લિકેશન્સ ઇન્કોર્પોરેટેડ ખરીદી છે. જો તમે આ નામથી અજાણ છો, તો જણાવી દઈએ કે આ એ જ કંપની છે જેણે એપલના Mac OS માટે Sky એપ વિકસાવી હતી. Sky એક નેચરલ લેંગ્વેજ ઇન્ટરફેસ છે. તાજેતરમાં આ કંપનીને Workflowમાં કામ કરતી ટીમ દ્વારા બનાવવામાં આવી હતી.

એપલે Sky જેવી કોઈ એપ વિકસાવી નથી

એપલે Workflow હસ્તગત કરી અને તેને શોર્ટકટ્સમાં રૂપાંતરિત કરી, જે iOS વપરાશકર્તાઓમાં એક લોકપ્રિય એપ્લિકેશન છે. આ વર્ષની શરૂઆતમાં, સોફ્ટવેર એપ્લિકેશન્સ ઇન્કોર્પોરેટેડે Mac એપ્લિકેશન Skyનું પ્રિવ્યૂ બતાવ્યું હતું. આ એપ્લિકેશને દર્શાવ્યું કે આધુનિક AIનો ઉપયોગ Mac પર ઓટોમેશન અને વર્કફ્લો સુધારવા માટે કેવી રીતે થઈ શકે છે.

એપલે હજુ સુધી Sky જેવી કોઈ એપ વિકસાવી નથી. એપલ સતત Siriને સુધારવા પર કામ કરી રહ્યું છે. કંપની Siriને AI સાથે જોડવાની યોજના બનાવી રહી હતી, પરંતુ તેનું લોન્ચિંગ મોડું થયું છે. શક્ય છે કે કંપની આવતા વર્ષે એટલે કે 2026માં અપડેટેડ Siri લોન્ચ કરી શકે છે.

OpenAIની યોજનાઓ શું છે?

સ્કાયને મેક વપરાશકર્તાઓને લેખન, આયોજન, કોડિંગ અને સમયપત્રકનું સંચાલન કરવામાં મદદ કરવા માટે ડિઝાઇન કરવામાં આવી હતી. સ્કાય વપરાશકર્તાની સ્ક્રીન પર શું થઈ રહ્યું છે તે સમજી શકે છે અને તે કાર્ય પૂર્ણ કરવા માટે એપ્લિકેશની સાથે સીધું ઇન્ટરેક્ટ કરી શકે છે. OpenAIએ એક બ્લોગ પોસ્ટ પ્રકાશિત કરી છે

જેમાં સોફ્ટવેર એપ્લિકેશન્સ ઇન્કોર્પોરેટેડના સંપાદનની વિગતો આપવામાં આવી છે. કંપનીએ જણાવ્યું હતું કે, AI ફક્તઇન્ટેલિજન્સને આગળ વધારવા માટે નથી. તે એક ઇન્ટરફેસને અનલૉક કરવા વિશે પણ છે જે સંદર્ભને સમજી શકે છે, અનુકૂલન કરી શકે છે અને તમારા કાર્યને સરળ બનાવી શકે છે.