Peanut Oil Price Hike : તહેવારો ટાણે મોંઘવારીનો માર! સિંગતેલના ભાવમાં મોટો વધારો

સિંગતેલના 15 કિલોના ડબ્બાના ભાવમાં ₹30નો વધારો થયો છે. આ વધારા સાથે હવે 15 કિલોના ડબ્બાનો ભાવ ₹2,360થી વધીને ₹2,390 થયો છે. આ વધારો એવા સમયે થયો છે, જ્યારે મગફળીનું ઉત્પાદન પુષ્કળ થયું હોવાના અહેવાલ છે, જે થોડો આશ્ચર્યજનક છે.

ભાવવધારા પાછળનું કારણ

એક તરફ, રાજ્યમાં આ વર્ષે 66 લાખ ટન મગફળીનું ઉત્પાદન થયું હોવાનું કહેવાય છે. જેના કારણે લોકોને સિંગતેલના ભાવમાં રાહત મળવાની આશા હતી.

પરંતુ બીજી તરફ, ભારે વરસાદને કારણે સૌરાષ્ટ્રના ભાવનગર, અમરેલી અને રાજકોટ જેવા વિસ્તારોમાં મગફળીના પાકને નુકસાન થયું હોવાના અહેવાલ પણ છે. પાકમાં મુંડા નામના રોગને કારણે છોડ પીળા પડીને નાશ પામ્યા છે, જેના કારણે ઉત્પાદન પર અસર થઈ શકે છે.

જોકે, આ નુકસાન છતાં મગફળીના ભાવ સ્થિર છે, પરંતુ તેલના ભાવમાં વધારો થયો છે. આ પરિસ્થિતિએ ગૃહિણીઓની ચિંતા વધારી છે, કારણ કે તહેવારોના દિવસોમાં તળેલી વાનગીઓનું પ્રમાણ વધુ હોય છે.