India vs South Africa 2025 : ભારતની 408 રનની ઐતિહાસિક હાર બાદ ઋષભ પંતે ચાહકો પાસે માંગી માફી

India vs South : દક્ષિણ આફ્રિકા સામે ગુવાહાટી ટેસ્ટમાં ભારતને 408 રનની કરૂણ હાર મળતાં દેશભરના ક્રિકેટપ્રેમીઓમાં નિરાશાનો માહોલ છે. રનની દ્રષ્ટિએ ભારતીય ટેસ્ટ ઇતિહાસમાં આ સૌથી મોટી હાર છે. કેપ્ટન ઋષભ પંતના નેતૃત્વ હેઠળ ટીમ બે ટેસ્ટમાં એકતરફી હારનો સામનો કરી સીરિઝ ગુમાવી ચૂકી છે.

• પંતનું ખુલ્લેઆમ ચાહકોને સંબોધન

પરાજય પછી પંતે પોતાના ઇન્સ્ટાગ્રામ પર લાંબી પોસ્ટ કરી અને ચાહકો પાસે માફી માંગી. તેમણે લખ્યું:

“છેલ્લા બે અઠવાડિયામાં આપણે સારું ક્રિકેટ નહીં રમ્યા, એ સ્વીકારવામાં કોઈ શરમ નથી. લાખો ચાહકોનાં ચહેરા પર સ્મિત લાવવાનો પ્રયાસ કરીએ છીએ, પરંતુ આ વખતે અપેક્ષાઓ પૂર્ણ કરી શક્યા નથી. ભારતનું પ્રતિનિધિત્વ ગર્વની વાત છે. ટીમ સક્ષમ છે, અને અમે વધુ મહેનત કરીને મજબૂત વાપસી કરીશું. તમામ સમર્થન બદલ આભાર. જેહ હિંદ.”

• ટીમ ઈન્ડિયાનું રેકોર્ડ સૌથી મોટું પરાજય

દક્ષિણ આફ્રિકાએ બીજી ટેસ્ટમાં ભારતને 408 રનથી હરાવી ઇતિહાસ રચ્યો. પહેલી વાર એવું બન્યું કે ભારત 350થી વધુ રનની માર્જિનથી ટેસ્ટ મેચ હાર્યું.

• બેટિંગમાં ઐતિહાસિક નિષ્ફળતા

20 વર્ષમાં આવી પહેલી સીરિઝ હતી જેમાં કોઈ ભારતીય બેટ્સમેન સદી ફટકારી ન શક્યો. બેટિંગ લાઇન-અપની નિષ્ફળતા સીરિઝના પરિણામમાં સ્પષ્ટ રીતે દેખાઈ.

• WTC Finalનું સ્વપ્ન જોખમમાં

સતત બે ટેસ્ટમાં હાર સાથે ભારતના વર્લ્ડ ટેસ્ટ ચેમ્પિયનશિપ ફાઇનલમાં પહોંચવાના ચાન્સિસ પર મોટો પ્રહાર થયો છે. ટીમને હવે આગળની તમામ સિરીઝમાં ઉત્તમ પ્રદર્શન કરવું પડશે.