DDLJના 30 વર્ષ: SRK અને કાજોલનો બ્રોન્ઝ સ્ટેચ્યુ લંડનમાં થયો લોન્ચ

બોલિવૂડની સુપરહિટ ફિલ્મ ‘દિલવાલે દુલ્હનિયા લે જાયેંગે’ (DDLJ) ના 30 વર્ષ પૂર્ણ થવા પર શાહરુખ ખાન અને કાજોલે લંડનમાં પોતાનો આઇકોનિક રાજ–સિમરન પોઝનો બ્રોન્ઝ સ્ટેચ્યુ અનાવરણ કર્યું. બંને સ્ટાર્સે સાથે ફોટોશૂટ કરી ચાહકોને જૂની યાદોમાં પાછા લઇ ગયા.

લૉન્ચ દરમિયાન શાહરુખ બ્લેક સૂટમાં અને કાજોલ નિલી સાડીમાં દેખાઈ, જ્યારે સ્ટેચ્યુમાં બંનેને ફિલ્મના સૌથી લોકપ્રિય પોઝમાં દર્શાવવામાં આવ્યા છે.

1995માં રિલીઝ થયેલી DDLJ ભારતીય સિનેમાની સૌથી લાંબી ચાલતી ફિલ્મ છે અને આજે પણ મુંબઈના મરાઠા મંદિરમાં પ્રદર્શિત થાય છે.

શાહરુખે જણાવ્યું કે, “DDLJને 30 વર્ષ થઈ ગયા છે, પણ હજુ ગઈકાલ જેવી જ લાગે છે,” જ્યારે કાજોલે કહ્યું કે સિમરન લાખો છોકરીઓનો અવાજ છે જે સપનાઓને છોડી દેવાનું પસંદ કરતી નથી.

ફિલ્મનો પ્રખ્યાત સંવાદ ‘જા સિમરન, જા’ આજે પણ હિંમત અને પ્રેમની શક્તિનું પ્રતીક છે — અને આ નવું સ્ટેચ્યુ તેની જ યાદ તાજી કરે છે.