જેમિમા રોડ્રિગ્સનું દિલથી લીધો નિર્ણય: મિત્રતા માટે WBBL છોડ્યું

WBBL 2025 Updates : જેમિમા રોડ્રિગ્સે માનવિય લાગણીને પ્રાથમિકતા આપી છે. સ્મૃતિ મંધાનાના લગ્ન અચાનક પોસ્ટપોન થયા અને તેમના પિતા અચાનક બીમાર થતા જેમિમાએ WBBLની વચ્ચે જ ભારત પરત આવવાનો નિર્ણય કર્યો. મિત્રતા અને પરિવાર માટે લેવાયેલો આ નિર્ણય ચાહકોને પણ સ્પર્શી ગયો.

• બ્રિસ્બેન હીટે નિર્ણયનો આદર કર્યો

ફ્રેન્ચાઇઝીએ સત્તાવાર જાહેરાતમાં કહ્યું કે જેમિમાએ ભારતમાં જ રહેવાની વિનંતી કરી હતી, જેને ટીમે તરત જ મંજૂરી આપી. CEO ટેરી સ્વેન્સનએ જણાવ્યું કે,

“જેમિમા માટે આ સમય બહુ પડકારજનક છે. અમે તેમના નિર્ણયનું સંપૂર્ણ સમર્થન કરીએ છીએ અને સ્મૃતિ મંધાનાના પરિવારને હૃદયપૂર્વક શુભેચ્છાઓ પાઠવીએ છીએ.”

જેમિમાએ ટીમને સંદેશ મોકલીને જણાવ્યું કે તેઓ ફરી આ સિઝનમાં પરત આવી શકશે નહીં, પરંતુ ક્લબ અને ફેન્સનો આભાર વ્યક્ત કર્યો.

• બ્રિસ્બેન હીટના આગામી મુકાબલા

ટીમ હજુ પણ આ સિઝનની પહેલી જીત શોધી રહી છે. છેલ્લી મેચમાં તેમને એડિલેડ સ્ટ્રાઈકર્સ સામે છેલ્લો બોલ રમાતાં હારનો સામનો કરવો પડ્યો હતો. હવે શુક્રવારે તેમનો મુકાબલો સિડની સિક્સર્સ સામે એડિલેડ ઓવલમાં થશે.

સ્ક્વોડમાં એક બદલાવ પણ થયો છે — ઓલરાઉન્ડર ગ્રેસ હેરિસ વર્કલોડ મેનેજમેન્ટ પછી પાછી ફર્યા છે અને લીલી બેસિંગથ્વેઇટને બદલીને ટીમમાં જોડાયા છે.