અર્જુન તેંડુલકરની બોલિંગ પર સૌરાષ્ટ્રનો પ્રહાર, 29 ઓવરમાં 145 રનની કોટમાર

સૌરાષ્ટ્ર અને ગોવાની ટક્કર ખાસ ચર્ચાનો વિષય બની છે. આ મુકાબલામાં સૌરાષ્ટ્રએ બેટિંગમાં અભૂતપૂર્વ પ્રદર્શન કરતા ગોવા સામે વિશાળ સ્કોર ઊભો કર્યો અને મેચની દિશા શરૂથી જ પોતાની તરફ વાળી લીધી. ટોસ જીતી સૌરાષ્ટ્રે બેટિંગ પસંદ કરી અને પહેલી ઇનિંગમાં 7 વિકેટના નુકસાન પર 585 રનનો પર્વત જેવો સ્કોર ઉભો કર્યો. ત્યારબાદ ટીમ મેનેજમેન્ટે ઇનિંગ ડિકલેર કરી ગોવા પર દબાણ વધાર્યું. આ લાંબી અને પ્રભાવી ઇનિંગ દરમ્યાન ગોવાની બોલિંગ લાઇન-અપ મોટી કસોટીમાંથી પસાર થઈ. ખાસ કરીને અર્જુન તેંડુલકર માટે આ દિવસ ખૂબ જ મુશ્કેલ સાબિત થયો.

• ગોવાની બોલિંગનું નેતૃત્વ, પરંતુ પરિણામ નિરાશાજનક

ગોવાની તરફથી નવા બોલ સાથે પ્રહારની શરૂઆત અર્જુન તેંડુલકરે કરી. ટીમને તેમની પાસેથી શરૂઆતના બ્રેકથ્રૂની આશા હતી, જોકે મેદાન પર બાબતો ગોવાના પક્ષે ન જઈ શકી. અર્જુને પોતાની 29 ઓવરમાં માત્ર એક જ વિકેટ મેળવી અને 5 ની ઈકોનોમી રેટ સાથે 145 રન આપ્યા, જે આ મેચમાં ગોવાના બોલર્સમાં બીજા ક્રમે સૌથી વધુ રન આપવાનો આંક છે. સૌરાષ્ટ્ર માટે યુવા બેટ્સમેન જય ગોહિલે અર્જુન સામે આક્રમક બેટિંગ રજૂ કરી. તેણે અર્જુનના 24 બોલનો સામનો કરીને 35 રન જોડ્યા. આ દરમ્યાન તેણે છ ચોગ્ગા અને એક છગ્ગો ફટકારી અર્જુનના લાઇન સતત દબાણમાં રાખ્યા હતા.

• અર્જુન–જય: એકસાથે શરૂ થયેલી બે કારકિર્દીઓ, જુદા માર્ગો પર આગળ

અર્જુન તેંડુલકર અને જય ગોહિલે 2022માં રણજી ટ્રોફી દ્વારા પોતાની ફર્સ્ટ-ક્લાસ કારકિર્દીની શરૂઆત કરી હતી. બંનેએ શરૂઆતમાં જ શાનદાર પ્રદર્શન કરી ચર્ચામાં આવ્યા હતા. અર્જુને રણજી ડેબ્યૂમાં જ સદીનો સન્માન મેળવ્યો હતો, જ્યારે જય ગોહિલે ડેબ્યૂ ઇનિંગમાં જ ડબલ સદી ફટકારી સૌરાષ્ટ્રના ઇતિહાસમાં નામ નોંધાવ્યું હતું. આસામ સામે રમી ગયેલી પોતાની પ્રથમ મેચમાં જય ગોહિલે 246 બોલનો સામનો કરીને 227 રન ફટકાર્યા હતા. તે રણજી ડેબ્યૂમાં ડબલ સદી ફટકારનાર સૌરાષ્ટ્રનો પ્રથમ ખેલાડી બન્યો હતો.