માત્ર 24 કલાકમાં ભાવમાં 33,000 રૂપિયાનો અચાનક ઘટાડો

સોનાના વૈશ્વિક બજારમાં અચાનક અને ઐતિહાસિક ઘટનાઓ નોંધાઈ છે. છેલ્લા 24 કલાકમાં સોનાના ભાવમાં અત્યંત ભારે ઘટાડો જોવા મળ્યો છે, જેને કારણે વૈશ્વિક નાણાકીય બજારોમાં ચિંતાનો માહોલ સર્જાયો છે. જે સોનું હંમેશા સુરક્ષિત રોકાણ માનવામાં આવતું હતું, તે હવે અચાનક ઉથલપાથલનું કેન્દ્ર બન્યું છે.

સોનાના ભાવમાં મોટો ઘટાડો

અહેવાલો મુજબ, છેલ્લા 24 કલાકમાં સોનું લગભગ 33,000 રૂપિયાથી ઘટીને 1,50,000 રૂપિયા પ્રતિ ગ્રામ થઈ ગયું. આ ઘટાડાએ સોનાના કુલ માર્કેટ કેપ પર પણ ભારે અસર કરી છે. તાજા આંકડાઓ મુજબ, સોનાએ 6.3 ટ્રિલિયન ડૉલરની સંપત્તિ ગુમાવી છે, જે ભારતીય રૂપિયામાં 525 લાખ કરોડથી વધુ થાય છે. આટલો મોટો એકદિવસીય નુકસાન વૈશ્વિક અર્થતંત્ર માટે ચેતવણીરૂપ ગણાય છે.

ભારે વોલેટિલિટી અને ઈતિહાસીક ‘ડ્રો-ડાઉન’

ગત અઠવાડિયે પણ સોનામાં ઉથલપાથલ જોવા મળતી હતી, પરંતુ છેલ્લા 24 કલાકમાં થયેલો આ ઘટાડો તમામ અગાઉના રેકોર્ડ તોડીને ઐતિહાસિક બન્યો છે. બજાર નિષ્ણાતો માને છે કે મોટા સંસ્થાકીય રોકાણકારો દ્વારા એકસાથે કરવામાં આવેલી મોટી વેચવાલી આ ઘટણાનું મુખ્ય કારણ છે.

રોકાણકારો અને વૈશ્વિક પરિસ્થિતિ

વિશ્વના વૈશ્વિક અર્થતંત્રમાં બદલાતા પરિબળો, વ્યાજદરની અનિશ્ચિતતા, કરન્સી માર્કેટમાં ઉતાર-ચઢાવ અને ભૂરાજકીય તણાવ પણ સોનાના ભાવ પર અસર કરી રહ્યા છે. રોકાણકારો અન્ય વિકલ્પોમાં મૂડી ખસેડી રહ્યા છે, જેના કારણે સોનામાંથી મોટા પ્રમાણમાં નાણાં બહાર આવી રહ્યા છે.

આ અદ્વિતીય ક્રેશ માત્ર સોનાના ભાવની ઘટનું મામલો નથી, પરંતુ વૈશ્વિક અર્થતંત્ર માટે ગંભીર સંકેત તરીકે જોવામાં આવી રહ્યું છે. આવનારા દિવસોમાં સોનામાં સ્થિરતા આવશે કે નહીં, અને રોકાણકારો ફરીથી સોનામાં વિશ્વાસ મૂકે કે નહીં, તે હવે સમય જ બતાવશે.