ICC T20 વર્લ્ડ કપ 2026: સૂર્યકુમાર યાદવનો બદલો લેવાનો ઈરાદો, કહ્યું– ફાઇનલમાં ઓસ્ટ્રેલિયાને હરાવવું છે

ICC T20 World Cup 2026  : માટેનું શેડ્યૂલ જાહેર થતાં જ ભારતીય ક્રિકેટ ટીમના નવા કેપ્ટન સૂર્યકુમાર યાદવ ફરી એકવાર ચર્ચામાં આવ્યા છે. ભારત અને શ્રીલંકામાં 7 ફેબ્રુઆરીથી શરૂ થનારા આ મેગા ટુર્નામેન્ટમાં ટીમ ઈન્ડિયા પોતાના ખિતાબનો બચાવ કરશે.

શેડ્યૂલ જાહેર થવા બાદ સૂર્યકુમાર યાદવ અને પૂર્વ કેપ્ટન રોહિત શર્મા એક ખાસ કાર્યક્રમમાં હાજર રહ્યા હતા. જ્યારે સૂર્યાને પોતાના દેશમાં વર્લ્ડ કપ રમવા અને ટીમનું નેતૃત્વ કરવા અંગે પૂછવામાં આવ્યું ત્યારે તેમણે કહ્યું કે, “ટીમનું નેતૃત્વ કરવું મારા માટે ખૂબ ગર્વની વાત છે.”

સૂર્યાએ એક ભાવનાત્મક નિવેદન આપીને ફરી ચર્ચા જગાવી. જ્યારે પૂછવામાં આવ્યું કે જો ભારત ફાઇનલમાં પહોંચે તો તે કઈ ટીમ સામે રમવું પસંદ કરશે? ત્યારે તેમણે સ્પષ્ટ જવાબ આપ્યો:

“હું નરેન્દ્ર મોદી સ્ટેડિયમમાં ફાઇનલમાં ઓસ્ટ્રેલિયાને હરાવવા માંગુ છું.”

આ નિવેદન 2023ની વર્લ્ડ કપ ફાઇનલની યાદ સાથે જોડાયેલ છે, જ્યાં ઓસ્ટ્રેલિયાએ અમદાવાદમાં ભારતનો સપનો તોડ્યો હતો. સૂર્યા એ મેચનો ભાગ હતા અને તેના પ્રદર્શન માટે ભારે ટીકા પણ થઈ હતી. આ વખતે તેઓ એ ઘા ભરીને બદલો લેવાની મનોદશામાં દેખાય છે.

ટીમ ઈન્ડિયાનો T20 વર્લ્ડ કપ 2026 શેડ્યૂલ:

7 ફેબ્રુઆરી: ભારત vs અમેરિકા – વાનખેડે, મુંબઈ

12 ફેબ્રુઆરી: ભારત vs નામિબિયા

15 ફેબ્રુઆરી: ભારત vs પાકિસ્તાન – કોલંબો

18 ફેબ્રુઆરી: ભારત vs નેધરલેન્ડ્સ – નરેન્દ્ર મોદી સ્ટેડિયમ, અમદાવાદ

ડિફેન્ડિંગ ચેમ્પિયન તરીકે ટીમ ઈન્ડિયા આ વખતেও મજબૂત દાવેદાર છે અને સૂર્યકુમાર યાદવનું નેતૃત્વ ટુર્નામેન્ટનું સૌથી મોટું આકર્ષણ બનશે.