BCCIએ T20 વર્લ્ડ કપ 2026 માટે 5 સ્થળોને શોર્ટલિસ્ટ કર્યા, ફાઇનલ આ મેદાન પર યોજાઇ શકે છે

BCCI અધિકારીઓએ એક મહત્વપૂર્ણ બેઠક યોજી હતી, જેમાં 2023 ODI વર્લ્ડ કપ કરતાં ઓછા શહેરોમાં T20 વર્લ્ડ કપ 2026નું આયોજન કરવાનો નિર્ણય લેવામાં આવ્યો હતો. BCCI એ 2026 T20 વર્લ્ડ કપ માટે પાંચ ભારતીય શહેરોની પસંદગી કરી છે,

જેમાં દરેક વેન્યુ ઓછામાં ઓછી છ મેચનું આયોજન કરે તેવી અપેક્ષા છે. BCCI અધિકારીઓએ T20 વર્લ્ડ કપનું આયોજન કરવા માટે અમદાવાદ, દિલ્હી, કોલકાતા, ચેન્નાઈ અને મુંબઈની પસંદગી કરી છે.

અહેવાલ છે કે T20 વર્લ્ડ કપ 2026ની ફાઇનલ અમદાવાદના નરેન્દ્ર મોદી સ્ટેડિયમમાં રમાશે. અહેવાલો સૂચવે છે કે શ્રીલંકાના ત્રણ સ્ટેડિયમ વર્લ્ડ કપ મેચોનું આયોજન કરશે, પરંતુ તે ત્રણ કયા સ્થળોએ રમાશે તે હજુ સ્પષ્ટ નથી.

• મહિલા વર્લ્ડ કપ 2025ના વેન્યુ યાદીમાં નહી

અહેવાલ અનુસાર, હાલમાં એ સ્પષ્ટ નથી કે 2026ના T20 વર્લ્ડ કપનું આયોજન બેંગલુરુ કે લખનૌમાં કરવામાં આવશે. જોકે, BCCI એ પહેલાથી જ નક્કી કરી દીધું છે કે 2025ના ICC મહિલા ODI વર્લ્ડ કપ માટે મેચોનું આયોજન કરનારા સ્થળો T20 વર્લ્ડ કપ માટે પસંદ કરવામાં આવશે નહીં.

આમાં ગુવાહાટી, વિશાખાપટ્ટનમ, ઇન્દોર અને નવી મુંબઈનો સમાવેશ થાય છે. ICC એ BCCI ને સ્પષ્ટ કરી દીધું છે કે જો શ્રીલંકા સેમિફાઇનલમાં પહોંચે છે, તો ભારતીય ટીમને કોલંબોમાં રમવું પડશે. જોકે, જો પાકિસ્તાન ફાઇનલમાં પહોંચે છે, તો ટાઇટલ મેચ ન્યૂટ્રલ વેન્યુ પર રમાશે.