શ્રદ્ધા કપૂરના લગ્નની ચર્ચાઓ વચ્ચે Tejaswini Kolhapureનું મૌન તૂટ્યું: Rahul Mody સાથેના સંબંધો પર નિવેદન

Shraddha Kapoor Marriage : તાજેતરમાં જ્યારે તેજસ્વિની કોલ્હાપુરેને શ્રદ્ધા કપૂર અને રાહુલ મોદીના લગ્ન વિશે પૂછવામાં આવ્યું, ત્યારે તેમણે આશ્ચર્ય વ્યક્ત કર્યું હતું. તેજસ્વિનીએ હસતા હસતા કહ્યું, “ખરેખર? મને આ વિશે કંઈ જ ખબર નથી. મને ખ્યાલ નથી કે આ વાતો ક્યાંથી આવી રહી છે.” તેમના આ નિવેદનથી સ્પષ્ટ થાય છે કે પરિવાર અત્યારે લગ્નની કોઈ ઉતાવળમાં નથી અથવા તો આ બાબતને ખાનગી રાખવા માંગે છે.

મુલાકાત દરમિયાન તેજસ્વિનીએ શ્રદ્ધાની ખૂબ પ્રશંસા કરી હતી. તેમણે જણાવ્યું કે શ્રદ્ધાએ જે રીતે કોલ્હાપુરે અને કપૂર પરિવારનો વારસો આગળ ધપાવ્યો છે, તેનાથી આખા પરિવારને ગર્વ છે. શ્રદ્ધાની ઉદારતા અને તેની સફળતા વિશે વાત કરતા તેજસ્વિનીએ ઉમેર્યું કે, “તેણીએ જે રીતે પરિવારનું નામ રોશન કર્યું છે તેનાથી અમે અત્યંત ખુશ છીએ.”

તેજસ્વિનીએ શ્રદ્ધા સાથેના તેમના સંબંધો વિશે પણ ખુલાસો કર્યો હતો. તેમણે કહ્યું કે તેઓ બંને એકબીજાના કામની સતત ચર્ચા કરે છે. ફિલ્મોના સેટ પરથી ફોટો, વીડિયો અને લુક શેર કરવા એ તેમની રોજની આદત છે. તેજસ્વિનીએ એમ પણ સમજાવ્યું કે તેઓ એકબીજાને વ્યવસાયિક સલાહ ત્યારે જ આપે છે જ્યારે તેમને લાગે કે કોઈ બાબતમાં ખરેખર સુધારાની જરૂર છે, બાકી તેઓ એકબીજાના કામનો આનંદ માણે છે.