સવારથી રાત સુધી ચાલશે ઉજવણી, ખાસ છે તૈયારીઓ ; 1 નહીં 2 રીતિ-રિવાજોથી થશે રશ્મિકા- વિજયની શાહી લગ્નવિધિ

લવ બર્ડ્સ રશ્મિકા મંદાના અને વિજય દેવેરકોન્ડા હવે હંમેશા માટે બેમાંથી એક થવા જઈ રહ્યા છે. 26 ફેબ્રુઆરીએ બંને લગ્નના બંધનમાં બંધાવાના છે. લગ્ન ઉદયપુરમાં શાહી અંદાજમાં યોજાશે. તેમના પ્રી-વેડિંગ કાર્યક્રમો ધામધૂમથી ચાલી રહ્યા છે. લગ્નમાં માત્ર કપલના પરિવારજનો અને નજીકના સગા-સંબંધીઓ જ હાજર રહેશે.

ખાસ રહેશે રશ્મિકા-વિજયના લગ્ન

હવે રશ્મિકા અને વિજયના લગ્નને લઈને એક મોટું અપડેટ સામે આવ્યું છે. રશ્મિકા મંદાના અને વિજય દેવેરકોન્ડાએ એકબીજાની સંસ્કૃતિનું માન રાખીને બે અલગ-અલગ રીતિ-રિવાજોથી લગ્ન કરવાનો નિર્ણય લીધો છે. દિવસે વિજયના પરિવારની તેલુગુ પરંપરા અનુસાર લગ્નવિધિ થશે અને સાંજે રશ્મિકાના પરિવાર મુજબ કોડવા રીતિ-રિવાજો અનુસરાશે.

એકબીજાની સંસ્કૃતિનો આદર

માહિતી મુજબ, લગ્નની પહેલી વિધિ વિજય દેવેરકોન્ડાના પરંપરાગત તેલુગુ હિંદુ રીતિ-રિવાજો મુજબ 26 ફેબ્રુઆરીની સવારે થશે. સાંજે કોડવા સમારોહ યોજાશે, જેમાં રશ્મિકા મંદાનાના પરિવારીય રિવાજો અનુસરવામાં આવશે. રશ્મિકા અને વિજય જે રીતે બે અલગ સમારંભ દ્વારા લગ્ન કરી રહ્યા છે, તે દર્શાવે છે કે તેઓ એકબીજાની સંસ્કૃતિનો ઘણો આદર કરે છે.

ઉજવણીમાં ડૂબ્યો પરિવાર

લગ્ન પહેલા કપલે પરિવાર માટે એક ડિનર પાર્ટીનું આયોજન પણ કર્યું હતું. સાથે જ એક પૂલ પાર્ટી પણ રાખવામાં આવી હતી, જેમાં સૌએ મળીને વોટર વોલીબોલ રમ્યો અને ‘વિરોશ પ્રીમિયર લીગ’ નામથી એક મજેદાર ક્રિકેટ મેચ પણ યોજાઈ હતી, જેના ફટોઝ સોશિયલ મીડિયા પર વાયરલ થઈ રહ્યા છે.