The Kerala Story 2 Teaser Released: ‘હવે સહન નહીં કરીએ… લડીશું’ સાથે પરત ફરી વિપુલ શાહ, જાણો સિક્વલની સંપૂર્ણ કહાની

વર્ષ 2023માં ભારે ચર્ચા અને વિવાદ વચ્ચે બ્લોકબસ્ટર સાબિત થયેલી ફિલ્મ ‘ધ કેરળ સ્ટોરી’ બાદ હવે તેનો સિક્વલ ‘The Kerala Story 2: Goes Beyond’ સાથે નિર્માતા વિપુલ અમૃતલાલ શાહ પરત ફર્યા છે. નિર્માતાઓએ આજે ફિલ્મનું ઓફિશિયલ ટીઝર રિલીઝ કર્યું છે, જે ફરી એકવાર દર્શકોને ઝંઝોડીને મૂકે છે.

ટીઝરમાં શું ખાસ છે?

2 મિનિટ 6 સેકન્ડના આ ટીઝરમાં ઉલ્કા ગુપ્તા, અદિતિ ભાટિયા અને ઐશ્વર્યા ઓઝા ત્રણ યુવતીઓના પાત્રમાં નજરે પડે છે. ટીઝરની સૌથી શક્તિશાળી લાઇન છે —

“અમારી દીકરીઓ પ્રેમમાં પડતી નથી, તેઓ જાળમાં ફસાય છે. હવે સહન નહીં કરીએ… લડીશું.”

દિગ્દર્શક કામાખ્યા નારાયણ સિંહના નેતૃત્વમાં બનેલી આ ફિલ્મ માત્ર કેરળ પૂરતી સીમિત નથી, પરંતુ અન્ય અનેક રાજ્યોની કહાનીઓને પણ આવરી લે છે.

ફિલ્મની કહાની

• ફિલ્મમાં ત્રણ યુવતીઓની જિંદગી બતાવવામાં આવી છે —
• કેરળની સુરેખા નાયર, જે IAS બનવાનું સપનું જુએ છે
• મધ્ય પ્રદેશની નેહા સંત, જે ઓલિમ્પિક માટે તૈયારી કરતી જેવેલિન થ્રો ખેલાડી છે
• રાજસ્થાનની દિવ્યા પાલીવાળ, જે સોશિયલ મીડિયા ઇન્ફ્લુએન્સર બનવા માંગે છે
• પ્રેમના નામે થયેલી છેતરપિંડી બાદ તેમની જિંદગી કેવી રીતે અંધકારમય વળાંક લે છે, તે ફિલ્મનો મુખ્ય વિષય છે.

નવી કાસ્ટ અને મજબૂત ટીમ

‘ધ કેરળ સ્ટોરી 2’ માં નિર્માતાઓએ નવી કાસ્ટ પર વિશ્વાસ મૂક્યો છે. ઉલ્કા ગુપ્તા, અદિતિ ભાટિયા અને ઐશ્વર્યા ઓઝા મુખ્ય ભૂમિકામાં છે. ફિલ્મની વાર્તા અમરનાથ ઝા અને વિપુલ અમૃતલાલ શાહે લખી છે, જ્યારે ગીતોના બોલ મનોજ મુન્તશિરે લખ્યા છે.

રિલીઝ ડેટ

આ હાઈ-વોલ્ટેજ ડ્રામા ફિલ્મ 27 ફેબ્રુઆરી 2026ના રોજ દેશભરના સિનેમાઘરોમાં રિલીઝ થવાની છે.