નવું વર્ષ આવતા જ ભારતમાં તહેવારોની શરુઆત થઈ જાય છે. 13 જાન્યુઆરીના રોજ લોહરીનો તહેવાર મનાવવામાં આવે છે. ત્યારબાદ 14 જાન્યુઆરીના રોજ મકર સંક્રાતિનો તહેવાર ઉજવવામાં આવે છે. આ પર્વને વર્ષનો સૌથી મોટો તહેવાર માનવામાં આવે છે. આ દિવસે સૂર્ય પોતાની રાશિ બદલી મકરમાં જાય છે.
ઉત્તરાયણનો તહેવાર ગુજરાત અને રાજસ્થાનમાં ખુબ ખાસ હોય છે. આ દિવસે લોકો પતંગ ચગાવે છે. ગુજરાત અને રાજસ્થાનમાં ઉત્તરાયણનો તહેવાર ખુબ જ ધામધુમથી સેલિબ્રેટ કરવામાં આવે છે. અહિ દર વર્ષે ઈન્ટરનેશનલ કાઈટ ફેસ્ટિવલનું પણ આયોજન કરવામાં આવે છે. ભારતમાં જ નહિં પરંતુ વિદેશથી લોકો કાઈટ ફેસ્ટિવલમાં ભાગ લેવા માટે આવે છે.
હિંદુ કેલેન્ડર અનુસાર ઉત્તરાયણના તહેવારથી ગરમીની શરુઆત થાય છે.આ દિવસે, પતંગ ઉડાડવાની સ્પર્ધાનું આયોજન કરવામાં આવે છે, જેમાં વિશ્વના ખૂણે-ખૂણેથી લોકો પતંગ ઉડાવવા આવે છે. આખું આકાશ પતંગોથી ભરાય જાય છે.
જો તમને પતંગ ઉડાવવાનો શોખ હોય તો તમે અમદાવાદ આવી શકો છો. મકરસંક્રાંતિ પર અહીં અદભૂત નજારો જોવા મળશે. આ સમય દરમિયાન તમે દરેક જગ્યાએ “કાઈ પો છે” ના અવાજો સંભળાશે.
આંતરરાષ્ટ્રીય કાઈટ ફેસ્ટિવલનું આયોજન રાજસ્થાનના જયપુરમાં પણ કરવામાં આવે છે. આ તહેવાર રાજસ્થાનનો સૌથી કલરફુલ ફેસ્ટિવલમાંથી એક છે. આ તહેવાર પણ 14 જાન્યુઆરી મકર સંક્રાતિના દિવસે મનાવવામાં આવે છે. અહિ પણ દેશ વિદેશના લોકો ભાગ લેવા માટે આવે છે.
પતંગ ઉડાવવાનો તહેવાર ઉજવવા પાછળ એક કારણ છે. લોકો માને છે કે શિયાળામાં આપણે શરદી અને ખાંસી થાય છે. પરંતુ જ્યારે ઉત્તરાયણમાં સૂર્ય ફરે છે ત્યારે તેના કિરણો શરીર માટે દવાનું કામ કરે છે. જો કે, મકરસંક્રાંતિના આ તહેવાર પર, તમે આ બંને રાજ્યોની મુલાકાત લેવાનું આયોજન કરી શકો છો.
તો તમે પણ તમારા બાળકો, પરિવાર અને મિત્રો સાથે કાઈટ ફેસ્ટિવલનો આનંદ માણી શકો છો.
મકરસંક્રાંતિના દિવસે ગુજરાતના મોટાભાગના વિસ્તારોમાં લોકો પતંગ ઉડાડીને મકરસંક્રાતિની ઉજવણી કરે છે. નાના મોટા સૌ કોઈ ઘરના ધાબા ઉપર કે ખુલ્લા મેદાનમાં પતંગ ઉડાડીને તહેવારનો આનંદ માણે છે. તો મકરસંક્રાતિને લઈ વધુ સમાચાર વાંચવા માટે અહિ ક્લિક કરો
Source link
