બોલિવૂડ અભિનેતા વિવેક ઓબેરોય છેલ્લા કેટલાક વર્ષોમાં વ્યાવસાયિક પ્રયાસો અને તેના ફિલ્મો બંને માટે ચર્ચામાં રહ્યા છે. આ દિવસોમાં વિવેક એક ઉમદા નિર્ણય માટે ચર્ચામાં છે. એ વાત જાણીતી છે કે વિવેક પાસે ઘણા પ્રોજેક્ટ્સ પાઇપલાઇનમાં છે
જેમાં નિતેશ તિવારીની મોસ્ટ અવેટેડ “રામાયણ”નો સમાવેશ થાય છે જેમાં રણબીર કપૂર, સની દેઓલ, “KGF’ના સ્ટાર યશ અને સાઈ પલ્લવીનો સમાવેશ થાય છે. વિવેક “રામાયણ” માં વિભીષણની ભૂમિકા ભજવશે.
- Vivek Oberoi ફિલ્મની બધી કમાણી દાનમાં આપી
વિવેકે ખુલાસો કર્યો કે તેણે રામાયણના નિર્માતા નમિત મલ્હોત્રાને કહ્યું હતું કે તેને કોઈ પૈસા જોઈતા નથી અને તે કેન્સર સામે લડી રહેલા બાળકો જેવા સારા કાર્ય માટે દાન કરવા માંગે છે. તેણે નિર્માતાને એમ પણ કહ્યું કે તે તેની સાથે કામ કરવા અને તેને ટેકો આપવા માંગે છે કારણ કે તેને આ પ્રોજેક્ટ ખૂબ ગમ્યો.
- Vivek Oberoi કહ્યું
તેણે કહ્યું “મેં નમિતને કહ્યું હતું કે મને આ ફિલ્મ માટે એક પણ પૈસો નથી જોઈતો હું તેને આવા કોઈ પણ કાર્ય માટે દાન કરવા માંગુ છું. મારો મતલબ છે કે, હું કેન્સર સામે લડી રહેલા બાળકો માટે કંઈક સારું કરવા માંગુ છું’.
આ મુલાકાતમાં વિવેક ઓબેરોયે “રામાયણ’ ના કલાકારો અને ક્રૂ સાથે કામ કરવાનો પોતાનો અનુભવ પણ શેર કર્યો. તેણે કહ્યું, “રામાયણ પૌરાણિક છે કે ઐતિહાસિક તે અંગે હંમેશા ચર્ચા થાય છે.
અમે માનીએ છીએ કે તે ઐતિહાસિક છે, અને તેના પર કામ કરવું ખૂબ જ સરસ રહ્યું. હું ખૂબ ખુશ હતો અને સમગ્ર ક્રૂ સાથે કામ કરવાની ખૂબ મજા આવી: નમિત, નિતેશ, યશ, રકુલ પ્રીત સિંહ. મારી પાસે હજુ થોડા દિવસોનું શૂટિંગ બાકી છે’.
- રામાયણ ફિલ્મના કલાકારો
નિતેશ તિવારી દિવાળી 2026 અને 2027ના રોજ “રામાયણ” બે ભાગમાં રિલીઝ કરશે. કલાકારોમાં ભગવાન રામ તરીકે રણબીર કપૂર, સીતા તરીકે સાઈ પલ્લવી, રાવણ તરીકે યશ અને ભગવાન હનુમાન તરીકે સની દેઓલનો સમાવેશ થાય છે.
