ક્યારે રિલીઝ થશે જાહ્નવી કપૂર અને રામ ચરણની ફિલ્મ? ફરી એકવાર પોસ્ટપોન થઈ પેન ઈન્ડિયા ફિલ્મ ‘પેડ્ડી’!

આ દરમિયાન, કેટલીક આગામી ફિલ્મો ચર્ચામાં છે, પરંતુ તેમની રિલીઝ ડેટ અંગે હજુ સુધી કોઈ સત્તાવાર જાહેરાત થઈ નથી. આ ફિલ્મોમાંથી એક થલાપતિ વિજયની ‘જન નાયગન’ છે, જ્યારે બીજી રામ ચરણની ‘પેડ્ડી’ છે. રામ ચરણ અને જાહ્નવી કપૂરની પેન ઈન્ડિયા ફિલ્મ ‘પેડ્ડી’ ઘણા સમયથી ચર્ચામાં છે.

ફિલ્મનું બીજું ગીત રિલીઝ કરવાની યોજના
ફિલ્મની રિલીઝ ડેટ હાલમાં 30 એપ્રિલ, 2026 નક્કી કરવામાં આવી છે. જોકે, અહેવાલો મુજબ, ફિલ્મની રિલીઝ ફરી એકવાર પોસપોન થઈ શકે છે. ફિલ્મ માટે નિર્માતાઓની યોજના ફરી એકવાર બદલાતી દેખાય છે. બુચી બાબુ સના દ્વારા દિગ્દર્શિત આ ફિલ્મમાં પહેલી વાર જાહ્નવી કપૂર અને રામ ચરણ એક સાથે મોટા પડદા પર જોવા મળશે.

અહેવાલો મુજબ, ફિલ્મ હવે જૂનમાં રિલીઝ થઈ શકે છે. નિર્માતાઓ હોળી પહેલા 2 માર્ચે ફિલ્મનું બીજું ગીત રિલીઝ કરવાની પણ યોજના બનાવી રહ્યા છે. જોકે, આ અંગે હજુ સુધી કોઈ સત્તાવાર જાહેરાત કરવામાં આવી નથી.