Winter Breakfast Tips: શિયાળામાં નાસ્તામાં શું ન ખાવું? નિષ્ણાંતોની સલાહ

શિયાળામાં સારો નાસ્તો માત્ર ઊર્જા જ નહીં, પરંતુ દિવસભર શરીરના તાપમાનને સંતુલિત રાખવામાં પણ મદદ કરે છે. ડોક્ટરો જણાવે છે કે ઠંડીના દિવસોમાં ખોરાકની પસંદગી ખાસ મહત્વની છે, કારણ કે ખોટો નાસ્તો શરદી, ગળાનો ચેપ અને કફની સમસ્યા વધારી શકે છે.

ઠંડુ દૂધ અથવા દહીં ન પીવું

ઘણા લોકો સવારે ઠંડુ દૂધ પી લેતા હોય છે, પરંતુ શિયાળામાં આ ગળા માટે હાનિકારક બની શકે છે. તેનાથી કફ વધે છે અને ગળામાં દુખાવો થઈ શકે છે. જો દૂધ પીવું જ હોય, તો હળદરવાળું ગરમ દૂધ વધુ લાભદાયી છે.

ખાલી પેટ ફ્રૂટ સલાડ ખાવું ટાળો

સવારે ફળો ખાવાનું સારું માનવામાં આવે છે, પરંતુ દરેક ફળ શિયાળામાં યોગ્ય નથી. કેળા અને નારંગી જેવા ‘ઠંડા’ ફળો ખોરાકને વધારે ઠંડું બનાવે છે. તમે સફરજન અથવા પપૈયા ખાઈ શકો છો.

બ્રેડ પણ ટાળવી, કારણ કે રિફાઇન્ડ લોટ શરીરમાં ઇન્ફ્લેમેશન અને ગળાની સમસ્યા વધારશે. તેના બદલે ચણાનો ચીલો અથવા ઓમેલેટ વધુ સારું વિકલ્પ છે.

ખાલી પેટ ચા ન પીવી

થંડીમાં ચાની મજા અલગ હોય છે, પરંતુ સવારે ખાલી પેટ ચા પીવાથી એસિડિટી અને ડિહાઇડ્રેશન વધી શકે છે. સાથે ગળામાં ચેપની શક્યતા પણ રહે છે.

સવારે ઉઠતાં બે ગ્લાસ નવશેકું પાણી, ત્યારબાદ હર્બલ ટી—અથવા દૂધ વગરની આદુ ચા—વધુ યોગ્ય છે.

શિયાળામાં સવારે શું ખાવું જોઈએ?

શરીરને ગરમ અને ऊર્જાવાન રાખવા માટે નાસ્તામાં આ વિકલ્પ શ્રેષ્ઠ છે:

પોરિજ (ગરમ ખીચડી પ્રકારનું)

મૂંગ દાળનો ચીલો

એક ઈંડું (માંસાહારી લોકો માટે યોગ્ય)

હળવી અને પાચનક્ષમ ખિચડી

આવા નાસ્તા શરીરને જરૂરી પોષણ આપે છે અને શિયાળામાં સામાન્ય રીતે થતી ગળાની સમસ્યાઓ દૂર રાખે છે.