તિરુપતિના પ્રસાદ મુદ્દે મોટો નિર્ણય લેવાયો છે. જેમાં પ્રસાદમાં હવે નંદીની ડેરીનું ઘી વપરાશે. તિરુમાલા તિરુપતિ દેવસ્થાનમે ઘી મુદ્દે નિર્ણય કર્યો છે. જેમાં ઘીમાં ભેળસેળ કેસમાં મંદિરે તપાસ સમિતિ રચી છે. ઘટના માટે કોણ કોણ જવાબદાર તેની તપાસ કરશે. તેમજ ઘીની ટેન્ડર પ્રક્રિયાના નિયમો ન પળાયા હોવાની માહિતી છે. તથા કોન્ટ્રાક્ટરે ઘીની તપાસનો રિપોર્ટ સોંપ્યો નહીં. તિરુપતિના પ્રસાદ મુદ્દે કેન્દ્ર સરકારે રિપોર્ટ માગ્યો છે. તેમાં આંધ્રપ્રદેશ સરકાર પાસે કેન્દ્ર સરકારે રિપોર્ટ માગ્યો છે. ત્યારે શું તિરુપતિ મંદિરના પ્રસાદમાં અમૂલે ઘી આપ્યુ હતુ. તેનું સત્ય જાણીએ.
પ્રસાદમાં ભેળસેળને લઇને સાધુ સંતોમાં રોષ
આંધ્ર પ્રદેશના તિરુમાલા તિરુપતિ દેવસ્થાનમમાં લાડુમાં કથિત ભેળસેળને લઈને ચાલી રહેલા વિવાદમાં અમૂલ ઈન્ડિયા સાફ થઈ ગઈ છે. કંપનીએ કહ્યું છે કે તેમના દ્વારા તિરુપતિ મંદિરમાં ક્યારેય ઘી સપ્લાય કરવામાં આવ્યું નથી. અમૂલ ઈન્ડિયાએ સોશિયલ મીડિયા પર આવા અહેવાલો સામે આવ્યા છે જેમાં એવું કહેવામાં આવ્યું છે કે અમારા તરફથી તિરુપતિ મંદિરમાં ઘી (અમૂલ ઘી) સપ્લાય કરવામાં આવ્યું હતું. કંપનીએ કહ્યું કે આ તમામ અહેવાલો અફવા છે.
અમૂલ ઈન્ડિયાએ કહ્યું કે અમારું ઘી સખત પરીક્ષણો પછી બનાવવામાં આવે છે
અમૂલ ઈન્ડિયાએ કહ્યું કે અમારું ઘી સખત પરીક્ષણો પછી બનાવવામાં આવે છે. આમાં ભેળસેળને કોઈ અવકાશ નથી. અમૂલ ઘી બનાવવા માટે અમારી પાસે ISO પ્રમાણિત ઉત્પાદન પ્લાન્ટ છે. ઘી બનાવવામાં વપરાતું દૂધ પણ અમારા કલેક્શન સેન્ટરમાં આવે છે. અહીં દૂધની ગુણવત્તા પણ ચકાસવામાં આવે છે. અમે FSSAI ના તમામ ધોરણોને અનુસરીને અમારા તમામ ઉત્પાદનોનું ઉત્પાદન કરીએ છીએ. અમે છેલ્લા 50 વર્ષથી સારી પ્રોડક્ટ્સ આપીને લોકોનો વિશ્વાસ જીત્યો છે. અમે તમને વિનંતી કરીએ છીએ કે કોઈપણ માધ્યમથી અમૂલ વિશે આવો ખોટો પ્રચાર ન કરો. વાસ્તવમાં, તિરુપતિ મંદિરના પ્રસાદમાં ભેળસેળની માહિતી સામે આવ્યા પછી, ઘણી સોશિયલ મીડિયા પોસ્ટમાં કંપનીને નિશાન બનાવવામાં આવી હતી. એવો દાવો કરવામાં આવી રહ્યો હતો કે અમૂલ મંદિરમાં ઘી સપ્લાય કરતી હતી.
