તેલંગણામાં ઇંડામાંથી બનેલા મેયોનીઝ પર ખાદ્ય સુરક્ષા વિભાગે ચિંતા વ્યક્ત કરતા મેયોનીઝ પર એક વર્ષ માટે પ્રતિબંધ મૂકી દેવાયો છે. હૈદરાબાદમાં મોમોઝ ખાવાથી એક મહિલાના મોત અને અન્ય 15 લોકો બીમાર પડ્યા બાદ રાજ્ય સરકારે આ નિર્ણય લીધો છે.
ઇંડામાંથી બનેલી મેયોનીઝ પર પ્રતિબંધ
ખાદ્ય સુરક્ષા અધિકારીઓના જણાવ્યા અનુસાર તાજેતરના સમયમાં રાજ્યમાં આવા ઘણા કિસ્સાઓ નોંધાયા છે જેમાં કાચા ઈંડામાંથી બનાવેલ મેયોનીઝ ખાવાથી સમસ્યા ઉભી થઈ છે. તે સેન્ડવીચ, મોમોઝ, શવરમા અને અલ ફહમ ચિકન વગેરેમાં ઉપયોગમાં લેવાય છે.
મેયોનીઝના સેવનથી ફૂડ પોઈઝનિંગની સમસ્યા!
તેલંગાણાના ફૂડ સેફ્ટી કમિશનરે એક નિવેદનમાં જણાવ્યું હતું કે, “છેલ્લા કેટલાક મહિનામાં મળેલા અવલોકનો અને ફરિયાદો પરથી જાણવા મળ્યું છે કે કાચા ઈંડામાંથી બનેલી મેયોનીઝના સેવનથી ફૂડ પોઈઝનિંગ થઈ રહ્યું છે.” આ પ્રતિબંધ બુધવારથી લાગુ થઈ ગયો છે. ખાદ્ય સુરક્ષા અને સત્તાધિકારીઓને ચેતવણી આપતા કમિશનરે કહ્યું કે જો ખાદ્ય પદાર્થો લોકોના સ્વાસ્થ્ય માટે હાનિકારક જણાશે તેવા કિસ્સામાં તેમણે કહ્યું કે કાચા ઈંડાનો ઉપયોગ કરીને બનાવેલ મેયોનીઝના ઉત્પાદન, સંગ્રહ અને વેચાણ પર 30 ઓક્ટોબરથી પ્રતિબંધ લાદવામાં આવશે. “2024 થી એક વર્ષ માટે પ્રતિબંધ રહેશે.”
મોમોઝ ખાધા બાદ મહિલાનું મોત
મંગળવારે હૈદરાબાદમાં મોમોઝ ખાવાથી 31 વર્ષીય મહિલાનું મોત થયું હતું અને અન્ય 15 લોકો બીમાર પડ્યા હતા. પ્રારંભિક તપાસમાં જાણવા મળ્યું છે કે આ વિક્રેતાઓએ એક જ સપ્લાયર પાસેથી મોમો મંગાવ્યો હતો. આના થોડા દિવસો પહેલા, શવર્મા આઉટલેટ્સ પર ફૂડ પોઇઝનિંગના કેસ નોંધાયા હતા, જેના કારણે આરોગ્ય અધિકારીઓએ શહેરભરના શવર્મા અને મંડી આઉટલેટ્સ પર દરોડા પાડ્યા હતા.
Source link
