વસ્ત્રાપુરના વૃંદાવન આવાસ યોજના નજીક પૂરપાટે કાર હંકારી યુવક પર કાર ચઢાવી તેને કચડાવવા પ્રયાસ કર્યો હતો,દીકરી સાથે મિત્રતાની શંકાએ હત્યાનો પ્રયાસ કરવામાં આવ્યો છે.ઈજાગ્રસ્ત યુવકને સારવાર હેઠળ હોસ્પિટલ ખસેડવામાં આવ્યો છે.ફરિયાદી યુવકને પગના ભાગે ઈજા પહોંચી છે,તો આરોપીએ કાર બંગ્લા સુધી ઘુસાડી દીધી છે.જેને લઈ વસ્ત્રાપુર પોલીસ સ્ટેશનમાં ફરિયાદ નોંધાઈ છે.
વસ્ત્રાપુર હાર્ટ પાસે બની ઘટના
વસ્ત્રાપુર વિસ્તારમાં યુવક પર કાર ચડાવી હત્યાનો પ્રયાસ કરવામાં આવ્યો છે,જેમાં આરોપીની દીકરી સાથે યુવકની મિત્રતાની શંકા રાખી બદલો લેવા હત્યાનો પ્રયાસ કર્યો હોવાની વાત સામે આવી છે,જેમા આરોપી દ્રારા યુવક બેઠો હતો અને તેની પર કાર ચઢાવી દીધી હતી,ઘટનાની જાણ થતા આસપાસના લોકોના ટોળેટોળા ઉમટયા હતા,વૃંદાવન આવાસ યોજના નજીક આરોપીએ પૂરપાટે કાર હંકારી યુવક પર કાર ચઢાવી હતી.વસ્ત્રાપુર પોલીસે સીસીટીવી જપ્ત કરી તપાસનો દોર શરૂ કર્યો છે.
પાઈપ વડે કર્યો હુમલો
સમગ્ર ઘટનાની વાત કરવામાં આવે તો આરોપી દ્રારા કાર તો ચઢાવી દીધી ત્યારબાદ યુવક પર પાઈપ વડે હુમલો પણ કરવામાં આવ્યો છે.આસપાસ લોકોના ટોળા ભેગા થઈ જતા આરોપી ત્યાંથી કાર મૂકીને ફરાર થઈ ગયો હતો તો સૂત્રો તરફથી માહિતી એવી પણ મળી રહી છે કે સ્થાનિકોએ ભેગા મળીને કારના કાચ પણ તોડી નાખ્યા છે,ત્યારે આરોપીએ પોલીસનો સંપર્ક કરતા પોલીસ ઘટના સ્થળે પહોંચી હતી અને આ મામલે આસપાસના લોકોના નિવેદન નોંધીને વધુ કાર્યવાહી કરી રહી છે.
બે અઠવાડિયા અગાઉ વસ્ત્રાપુર પોલીસમાં નોંધાયો અપહરણનો ગુનો
શહેરના જોધપુરમાં રહેતા અને જમીન લે વેચનું કામ કરતા યુવકે પાંચ વર્ષ પહેલા બે વ્યાજખોરો પાસેથી ૧૫ લાખ રૂપિયા વ્યાજે લીધા હતા. જેની સામે સતત ધમકી અને ઉઘરાણી કરીને માથાભારે લોકોએ ૧.૧૦ કરોડ જેટલી રકમ વસુલી હતી. તેમ છતાંય, યુવક પાસે વધુ સાડા ત્રણ કરોડની માંગણી કરીને તેનું અપહરણ કરીને જાનથી મારી નાખવાની ધમકી આપવામાં આવી હતી. આ અંગે વસ્ત્રાપુર પોલીસે ગુનો નોંધીને કાર્યવાહી કરી છે.
Source link
