એનસીપી લીડર બાબા સિદ્દીકીની હત્યામાં વોન્ટેડ આરોપી અનમોલ બિશ્નોઇની સંડોવણી શોદવાના પ્રયાસો કરવામાં આવી રહ્યા છે. ત્યારે ફોરેન્સિક સાયન્સ લેબ ડિરેક્ટોરેટ (DFSL) ને મુંબઈની એક અદાલતે શૂટર વિકી કુમાર ગુપ્તા અને વોન્ટેડ આરોપી અનમોલ બિશ્નોઈ વચ્ચેની વાતચીતની ઓડિયો ક્લિપ (પેન-ડ્રાઈવમાં)ની સોફ્ટ કોપી પ્રદાન કરવા નિર્દેશ આપ્યો છે. આ વર્ષની શરૂઆતમાં અભિનેતા સલમાન ખાનના ઘરની બહાર ફાયરિંગ કર્યા બાદ આ કેસ નોંધવામાં આવ્યો હતો.
સૉફ્ટ કોપીમાં અપાશે ઓડિયો ક્લિપ
ડીએફએસએલ ઓડિયો ક્લિપ પેન ડ્રાઈવમાં કિશોર કુમાર શિંદે, મદદનીશ પોલીસ કમિશનર, ડીસીબી સીઆઈડીને આપશે, જ્યારે તેની એક નકલ પોતાની પાસે રાખશે. વિશેષ ન્યાયાધીશ બીડી શેલ્કેએ મુંબઈ ક્રાઈમ બ્રાન્ચની અરજી પર આદેશ આપતા કહ્યું કે તપાસ એજન્સીને ધરપકડ કરાયેલા આરોપી વિકી કુમાર ગુપ્તા (કથિત શૂટર) અને વોન્ટેડ આરોપી અનમોલ બિશ્નોઈ વચ્ચેની વાતચીતની સોફ્ટ કોપીની જરૂર છે. તેથી કોર્ટે ડીએફએસએલને આદેશ આપ્યો છે. આરોપી વિક્કીકુમાર ગુપ્તા અને વોન્ટેડ આરોપી અનમોલ બિશ્નોઈ વચ્ચેની વાતચીતની ઓડિયો ક્લિપની સોફ્ટ કોપી તપાસ એજન્સીને ઉપલબ્ધ કરવા માટે કોઇ ખચકાટ નથી.
સલમાનના ઘર પર કર્યુ હતુ ફાયરિંગ
આરોપ છે કે 14 એપ્રિલે શૂટર ગુપ્તા સહિત બે મોટરસાઇકલ સવાર લોકોએ મુંબઈના બાંદ્રામાં અભિનેતા સલમાન ખાનના ઘરની બહાર ગોળીબાર કર્યો હતો. બાદમાં ગુજરાતમાંથી શૂટર્સ ગુપ્તા અને સાગર પાલની ધરપકડ કરવામાં આવી હતી. ક્રાઈમ બ્રાન્ચે પહેલા જ સલમાન ખાનના ઘરે ફાયરિંગ કેસમાં ચાર્જશીટ દાખલ કરી છે, જેમાં કહેવામાં આવ્યું છે કે ગુપ્તા સિગ્નલ એપ દ્વારા વોન્ટેડ આરોપી અનમોલ બિશ્નોઈના સંપર્કમાં હતો. આરોપી ગુપ્તાએ કથિત રીતે તે વાતચીતની ઓડિયો ક્લિપ તેના ભાઈને મોકલી હતી, જે આ કેસમાં સાક્ષી છે.
ઓડિયો ક્લિપનું રેકોર્ડિંગ ધરાવતો ભાઈનો મોબાઈલ ફોન ક્રાઈમ બ્રાન્ચે જપ્ત કર્યો છે. સાક્ષી પાસેથી જપ્ત કરાયેલા મોબાઈલ ફોનના ડેટાનું નિષ્કર્ષણ અને વિશ્લેષણ ડીએફએસએલ દ્વારા કરવામાં આવ્યું હતું, ગુપ્તા અને અનમોલ બિશ્નોઈ વચ્ચેની વાતચીતની ઓડિયો ક્લિપની સોફ્ટ કોપી તેના કબજામાં છે.
અવાજના નમૂના લેવા DFSLનો સંપર્ક કર્યો
ક્રાઈમ બ્રાન્ચે કહ્યું કે બાબા સિદ્દીકી હત્યા કેસમાં ધરપકડ કરાયેલ વોન્ટેડ આરોપી અનમોલ બિશ્નોઈના અવાજના નમૂનાની તપાસ કરવાની જરૂર છે. ધરપકડ કરાયેલા આરોપીઓ અને વોન્ટેડ આરોપીઓના અવાજના નમૂના લેવા માટે તેઓએ DFSLનો સંપર્ક કર્યો હતો, પરંતુ અધિકારીઓએ જણાવ્યું હતું કે મોબાઈલ ફોન સીલબંધ હાલતમાં હતો અને ઓડિયો ક્લિપની સોફ્ટ કોપી પેન ડ્રાઈવમાં સુરક્ષિત રાખવામાં આવી હતી.
બાબા સિદ્દીકીની કરી હત્યા
ધરપકડ કરાયેલા આરોપી ગુપ્તાના અવાજનું એનાલિસિસ તેની અવાજના સેમ્પલ સાથે કરવામાં આવ્યુ છે અને તે એનાલિસિસ રિપોર્ટ સલમાન ખાનના ઘરે ફાયરિંગ મામલામાં ચાર્જશીટનો એક ભાગ છે. મહત્વનું છે કે બાબા સિદ્દીકી 3 વખત કોંગ્રેસના ધારાસભ્ય રહ્યા અને આ વર્ષે અજીત પવારની રાષ્ટ્રવાદી કોંગ્રેસ પાર્ટીમાં જોડાયા હતા. 12 ઑક્ટોબરે નિર્મલ નગરમાં તેમને ગોળી મારીને હત્યા કરવામાં આવી હતી. જ્યારે તેઓ તેમના પુત્રની સાથે ઑફિસમાંથી બહાર નીકળી રહ્ હતા. પોલીસના જણાવ્યા મુજબ ધરપકડ કરાયેલા બે શૂટર અને એક ફરાર શૂટર બાબા સિદ્દીકીની ઓફિસની છેલ્લા ઘણા અઠવાડિયાથી રેકી કરી રહ્યા હતા. તેમની પર 6 રાઉન્ડ ફાયરિંગ કર્યું હતું.
Source link
