- પાકિસ્તાન અને બાંગ્લાદેશ વચ્ચે ટેસ્ટ સિરીઝની બીજી મેચ ચાલુ
- બીજી ટેસ્ટ મેચમાં પણ બાબર આઝમ ફ્લોપ રહ્યો હતો
- બાબર આઉટ થયા બાદ સોશિયલ મીડિયા પર ઘણો ટ્રોલ થયો
રાવલપિંડીમાં પાકિસ્તાન અને બાંગ્લાદેશ વચ્ચે ટેસ્ટ સિરીઝની બીજી મેચ રમાઈ રહી છે. બાંગ્લાદેશે ટોસ જીતીને પ્રથમ બોલિંગ કરવાનો નિર્ણય કર્યો હતો. આ દરમિયાન પાકિસ્તાન તરફથી અબ્દુલ્લા શફીક અને સામ અયુબ ઓપનિંગ કરવા આવ્યા હતા. અયુબ 58 રન બનાવીને આઉટ થયો હતો. જ્યારે ખાતું પણ ખોલાવી શક્યા નથી. બાબર આઝમ ફરી એકવાર ફ્લોપ રહ્યો હતો. તે 31 રન બનાવીને પેવેલિયન પરત ફર્યો હતો. બાબર આઉટ થયા બાદ સોશિયલ મીડિયા પર ઘણો ટ્રોલ થયો હતો. એક યુઝરે બાબરની નિવૃત્તિની માંગ કરી હતી.
ફ્લોપ સાબિત થયો બાબર આઝમ
બાબર પાકિસ્તાન માટે પ્રથમ દાવમાં ચોથા નંબર પર બેટિંગ કરવા આવ્યો હતો. આ દરમિયાન તેણે 77 બોલનો સામનો કર્યો અને 31 રન બનાવ્યા. બાબરે પણ 2 ચોગ્ગા ફટકાર્યા હતા. આ પછી તેને શાકિબ અલ હલાસે LBW આઉટ કર્યો હતો. છેલ્લી ટેસ્ટમાં પણ બાબર માટે કંઈ ખાસ નહોતું. તે સતત ખરાબ ફોર્મ સામે ઝઝૂમી રહ્યો છે. આ કારણે તે ફરી એકવાર સોશિયલ મીડિયા પર ટ્રોલ થયો છે. એક્સ પરના એક યુઝરે બાબરની નિવૃત્તિની માંગ કરી હતી.
પાકિસ્તાન ઓલ આઉટ
પાકિસ્તાન પ્રથમ દાવમાં 274 રન પર ઓલ આઉટ થઇ ગયું છે. શફીક શૂન્ય રને આઉટ થયો હતો. સેમ અયુબ 58 રન બનાવીને પેવેલિયન પરત ફર્યો હતો. 110 બોલનો સામનો કરીને તેણે 4 ચોગ્ગા અને 2 છગ્ગા ફટકાર્યા હતા. કેપ્ટન શાન મસૂદે અડધી સદી ફટકારી હતી. તેણે 69 બોલમાં 57 રન બનાવ્યા હતા. મસૂદે 2 ચોગ્ગા ફટકાર્યા હતા. સઈદ શકીલ 16 રન બનાવીને પેવેલિયન પરત ફર્યો હતો. તેણે 28 બોલનો સામનો કર્યો અને 2 ચોગ્ગા ફટકાર્યા હતા. આ ઉપરાંત આઘા સલમાને 95 બોલમાં 54 રન બનાવ્યા હતા.
બાબર આઝમનું ખરાબ ફોર્મ
બાબર આઝમ છેલ્લી 15 ટેસ્ટ ઇનિંગ્સમાં એક પણ અડધી સદી ફટકારી શક્યો નથી. બાબર બાંગ્લાદેશ સામેની પ્રથમ ટેસ્ટમાં શૂન્ય પર આઉટ થયો હતો. તે બીજા દાવમાં 22 રન બનાવીને આઉટ થયો હતો. બાબર ઓસ્ટ્રેલિયા સામે પણ કંઈ ખાસ કરી શક્યો નહોતો. તે ડિસેમ્બર 2023માં પર્થ ટેસ્ટની પ્રથમ ઇનિંગમાં 21 રન અને બીજી ઇનિંગમાં 14 રન બનાવીને આઉટ થયો હતો. બાબર મેલબોર્ન ટેસ્ટની પ્રથમ ઇનિંગમાં 1 રન અને બીજી ઇનિંગમાં 41 રન બનાવીને આઉટ થયો હતો. સિડની ટેસ્ટમાં પણ આ જ સ્કોર રહ્યો હતો.
