ચહેરા પર ખીલ થયા છે તો સ્કીન કેરમાં ભૂલો ન કરો, નહીંતર આ સમસ્યાઓ વધી શકે છે

ચહેરા પર પિમ્પલ્સ એક સામાન્ય સમસ્યા છે, પરંતુ ક્યારેક ત્વચા પર કોઈપણ નવી વસ્તુ લગાવવાથી પિમ્પલ્સની સમસ્યા વધુ વધી જાય છે. ઘણી વખત લોકો આ ખીલને ઝડપથી મટાડવા માટે વધુ પડતી ક્રીમ, સ્ક્રબ અથવા ઘરેલું ઉપચારનો ઉપયોગ કરે છે જેના કારણે ખીલ વધવા લાગે છે.

સૌથી સામાન્ય ભૂલ એ છે કે વારંવાર ચહેરાને સ્પર્શ કરવો અથવા ખીલને ફોડી નાખવા. જે બેક્ટેરિયા વધારે છે અને ત્વચા પર ડાઘ પણ પેદા કરી શકે છે. જ્યારે કેટલાક લોકો ખીલ પર બ્લીચ અથવા વધુ મેકઅપ લગાવવાનું શરૂ કરે છે જેનાથી ત્વચામાં વધુ બળતરા થઈ શકે છે. આવી સ્થિતિમાં કેટલીક બાબતો ધ્યાનમાં રાખવી જરૂરી છે.

પિમ્પલ્સ પર ભારે અથવા ઓઈલી ક્રીમનો ઉપયોગ ન કરો

પિમ્પલ્સવાળી ત્વચા પર ઓઈલી અથવા ભારે ક્રીમ લગાવવાથી પોર્સ બ્લોક થઈ શકે છે. આનાથી ત્વચા વધુ ચીકણી બને છે અને પિમ્પલ્સની સમસ્યા વધે છે. તેથી, કોઈપણ પ્રોડક્ટ લગાવતા પહેલા નિષ્ણાતની સલાહ લેવી જોઈએ. તેનાથી પિમ્પલ્સની યોગ્ય સારવાર થઈ શકે છે.

ખીલ દરમિયાન સ્ક્રબિંગ બિલકુલ ટાળવું જોઈએ

હળવા ફેસ વોશથી દિવસમાં બે વાર ચહેરો ધોવા પૂરતું છે. ખીલ દરમિયાન સ્ક્રબિંગ બિલકુલ ટાળવું જોઈએ. આનાથી ત્વચાના ઉપરના સ્તર પર ઘસડાવા લાગે છે અને બળતરા કે લાલાશ વધી શકે છે.

તેવી જ રીતે, લીંબુ કે ટૂથપેસ્ટ જેવા ઘરેલું ઉપચાર પણ નુકસાન પહોંચાડી શકે છે, કારણ કે તેમાં રહેલા એસિડ ત્વચાને નુકસાન પહોંચાડે છે.

પિમ્પલ્સ પર નવા પ્રોડક્ટ્સનો ઉપયોગ ન કરો

ઘણીવાર એવું બને છે કે ત્વચાની સમસ્યાને ધ્યાનમાં રાખી લોકો પોતાની રીતે જ કોઈપણ વસ્તુનો ઉપયોગ કરવા લાગે છે, અને આ માટે નિષ્ણાતની સલાહ નથી લેતા.

આ પચ્ચી જ્યારે તેની કોઈ અસર ન થાય ત્યારે અન્ય વસ્તુનો ઉપયોગ કરે છે. પરંતુ ઘણીવાર એવું બને છે કે તેનાથી ત્વચા પર બળતરા થાય છે. ઉપરાંત પિમ્પલ્સની સંખ્યા વધે છે. આવી સ્થિતિમાં નિષ્ણાતની સલાહ લેવી મહત્ત્વપૂર્ણ છે.