દીપિકા પાદુકોણ અને રણવીર સિંહ ટૂંક સમયમાં માતા-પિતા બનવાના છે. બોલીવુડનું પોપ્યુલર કપલ તેમના પહેલા બાળકનું સ્વાગત કરવા માટે તૈયાર છે. હાલમાં, તે ખાસ ક્ષણ આવી ગઈ છે જ્યારે ફેન્સને તેમના પ્રથમ બાળકના સારા સમાચાર મળી શકે છે. દીપિકા અને રણવીરે પહેલેથી જ માહિતી આપી હતી કે તેઓ આ મહિને એટલે કે સપ્ટેમ્બરમાં તેમના પ્રથમ બાળકનું સ્વાગત કરશે. હાલમાં જ બંને બાળકની ડિલિવરી માટે હોસ્પિટલ જતા જોવા મળ્યા હતા, દીપિકા પાદુકોણ સાથે રણવીર સિંહ મુંબઈની રિલાયન્સ હોસ્પિટલ પહોંચ્યો છે.
સિદ્ધિ વિનાયક મંદિર પહોંચ્યા હતા દીપિકા-રણવીર
દીપિકા પાદુકોણ અને રણવીર સિંહ એક દિવસ પહેલા જ મુંબઈના સિદ્ધિ વિનાયક મંદિરે બાપ્પાના આશીર્વાદ લેવા પહોંચ્યા હતા. આ પ્રસંગે રણવીર એક સારા પતિની જેમ દીપિકાનો હાથ પકડીને ચાલી રહ્યો હતો. આવી પરિસ્થિતિમાં, એવું કહેવામાં આવી રહ્યું છે કે બંનેએ તેમના આવનાર બાળક માટે ગણપતિ બાપ્પા પાસે આશીર્વાદ અને ઘણી બધી ખુશીઓ માંગી છે. દીપિકા અને રણવીરે સપ્ટેમ્બરમાં બાળકના આગમનના સારા સમાચાર ફેન્સ સાથે શેર કર્યા હતા. આવી પરિસ્થિતિમાં ફેન્સની રાહ ટૂંક સમયમાં પૂરી થવા જઈ રહી છે. દીપિકાની ડિલિવરીના સમાચાર ફેન્સને ગમે ત્યારે મળી શકે છે. દીપિકા-રણવીરનો વીડિયો વિરલ ભાયાણીએ ઈન્સ્ટાગ્રામ પર શેર કર્યો છે.
ડિલિવરી તારીખ 28મી સપ્ટેમ્બર – રિપોર્ટ
રિપોર્ટ મુજબ તો દીપિકા પાદુકોણની ડિલિવરી આ મહિનાની 28 તારીખે થવા જઈ રહી છે. હવે તે બંને ડિલિવરીનાં 20 દિવસ પહેલા હોસ્પિટલ પહોંચે છે તે ફેન્સ માટે થોડી ચિંતાજનક બાબત છે. જો દીપિકાની ડિલિવરી સમય પહેલા થઈ જાય તો તે થોડી ચિંતાનો વિષય હશે. પરંતુ ફેન્સ પ્રાર્થના કરી રહ્યા છે કે ટૂંક સમયમાં આ પોપ્યુલર કપલના ઘરે હાસ્યની કિલકારી ગૂંજશે.
