- સેલરી મર્યાદામાં વધારો થઇ શકે છે
- લઘુત્તમ પેન્શનમાં પણ વધારો કરવાની છે માગ
- જો આ બંને માગ સંતોષાય તો કરોડો કર્મીઓને થશે ફાયદો
સેલરી અને પેન્શન પર દેશના લાખો પેન્શનર્સ અને કરોડો કર્મચારીઓ માટે ગુડ ન્યૂઝ આવી શકે છે. મળતી માહિતી મુજબ ઇપીએફઓ હેઠળ પેન્શન ફંડ માટે સેલરી લિમિટમાં વધારો કરવાનો પ્રસ્તાવ મંજૂર થયા બાદ પીએફ અને પેન્શન બંનેના કોન્ટ્રીબ્યુશનમાં વધારો થઇ શકે છે. મહત્વનું છે કે આ પહેલા કેન્દ્ર સરકારે સરકારી કર્મચારીઓ માટે યુનિફાઇડ પેન્શન સ્કીમની જાહેરાત કરી હતી. . આવી સ્થિતિમાં ખાનગી ક્ષેત્રના કર્મચારીઓ માટે પણ સારા સમાચાર આવી શકે છે.
તો ખાનગી ક્ષેત્રના કર્મચારીઓને થશે ફાયદો
મીડિયા રિપોર્ટ અનુસાર નાણા મંત્રાલય પગાર મર્યાદા વધારવા અંગે નિર્ણય લઈ શકે છે. શ્રમ મંત્રાલયે પગાર મર્યાદા વર્તમાન રૂ. 15,000થી વધારીને રૂ. 21,000 કરવાનો પ્રસ્તાવ મૂક્યો છે. જે એપ્રિલ મહિનામાં મોકલવામાં આવ્યો હતો. કર્મચારી પેન્શન યોજના એટલે કે EPS EPFO દ્વારા સંચાલિત થાય છે. 1લી સપ્ટેમ્બર 2014 થી એટલે કે લગભગ એક દાયકાથી, EPS માટે પગાર મર્યાદા 15 હજાર રૂપિયા છે. પગાર મર્યાદા વધારવાથી ખાનગી ક્ષેત્રના કર્મચારીઓને ઘણો ફાયદો થશે અને વધુ સારો લાભ મળશે. હવે આ અંગે મંત્રાલય ટૂંક સમયમાં નિર્ણય લઈ શકે છે.
તો કેવી રીતે થાય લાભ ?
મીડિયા રિપોર્ટ્સ અનુસાર શ્રમ મંત્રાલય દ્વારા આપવામાં આવેલા પ્રસ્તાવ અનુસાર, પગાર મર્યાદા 15 હજાર રૂપિયાથી વધારીને 21 હજાર રૂપિયા કરવામાં આવશે. આ નિર્ણયથી ખાનગી ક્ષેત્રમાં કામ કરતા કર્મચારીઓના પેન્શન અને EPF યોગદાનમાં વધારો થશે. જો પગાર મર્યાદા રૂ. 21 હજાર થઈ જશે તો પેન્શનની રકમ આપોઆપ વધી જશે અને તમને નિવૃત્તિ પછી વધુ પૈસા મળશે. આ સિવાય પગાર મર્યાદામાં વધારાને કારણે વધુને વધુ કર્મચારીઓ તેના કાર્યક્ષેત્રમાં આવશે. ઉપરાંત તમને નિવૃત્તિ પછી વધુ પૈસા મળશે.
માસિક પેન્શનમાં વધારો કરવાની માગ
બીજી તરફ, EPS, 1995 સાથે સંકળાયેલા કર્મચારીઓનું એક પ્રતિનિધિમંડળ મંગળવારે કર્મચારી ભવિષ્ય નિધિ સંગઠન (EPFO) ના વરિષ્ઠ અધિકારીઓને મળ્યું હતું અને લઘુત્તમ માસિક પેન્શન રૂ. 7,500ની તેમની લાંબા સમયથી ચાલતી માંગણીનો પુનરોચ્ચાર કર્યો હતો. EPS-95 નેશનલ મૂવમેન્ટ કમિટી (NAC) એ એક નિવેદનમાં જણાવ્યું હતું કે તેના પ્રતિનિધિમંડળે EPFO પાસેથી EPS સભ્યો અને તેમના જીવનસાથીઓ માટે સંપૂર્ણ તબીબી કવરેજ પ્રદાન કરવાની પણ માંગ કરી હતી. સમિતિના અધ્યક્ષ અશોક રાઉતે કહ્યું કે અમને EPFO તરફથી બેઠક માટે આમંત્રણ મળ્યું છે. બેઠકનો ઉદ્દેશ્ય પેન્શનરોની પડતર માંગણીઓનો ઉકેલ લાવવાનો હતો.
મનસુખ માંડવિયાએ ખાતરી આપી હતી
તેમણે કહ્યું કે EPS-95 NAC ના સભ્યો હાલમાં માત્ર 1,450 રૂપિયાના સરેરાશ માસિક પેન્શનને બદલે 7,500 રૂપિયાના માસિક પેન્શનની માગણી સાથે વિરોધ કરી રહ્યા છે. રાઉતે કહ્યું કે પેન્શનરો છેલ્લા આઠ વર્ષથી લઘુત્તમ પેન્શન વધારવાની માંગ કરી રહ્યા છે, પરંતુ સરકારે તેમની માંગણીઓ પર ધ્યાન આપ્યું નથી. ઓગસ્ટની શરૂઆતમાં, શ્રમ અને રોજગાર મંત્રી મનસુખ માંડવિયાએ, EPS-95 NAC ના પ્રતિનિધિઓ સાથેની બેઠકમાં ખાતરી આપી હતી કે સરકાર તેમની માંગ પૂરી કરવા માટે જરૂરી પગલાં લેશે. EPS-95 NAC દેશભરમાં ફેલાયેલા ઔદ્યોગિક ક્ષેત્રોમાં આશરે 78 લાખ નિવૃત્ત પેન્શનરો અને 7.5 કરોડ કામ કરતા કર્મચારીઓનું પ્રતિનિધિત્વ કરે છે.
Source link