- રિતિક રોશન અને સુઝેન ખાનની ગણતરી એક સમયે બોલીવુડના પાવર કપલ્સમાં થતી હતી
- લગભગ 14 વર્ષ સુધી સાથે રહ્યા બાદ બંનેએ એકબીજા સાથે છૂટાછેડા લીધા હતા
- આ સમય રિતિકના પરિવાર માટે ઘણો મુશ્કેલ હતો
રિતિક રોશન અને સુઝેન ખાનની ગણતરી એક સમયે બોલીવુડના પાવર કપલ્સમાં થતી હતી, પરંતુ લગભગ 14 વર્ષ સુધી સાથે રહ્યા બાદ બંનેએ એકબીજા સાથે છૂટાછેડા લીધા હતા. આ સમયગાળો રિતિકના પરિવાર માટે ઘણો મુશ્કેલ હતો. રિતિક રોશનની બહેન સુનૈના રોશને હાલમાં જ પોતાના પરિવારની મુશ્કેલીઓ વિશે વાત કરી છે. 2014માં સુનૈનાએ રિતિક અને સુઝેન ખાનના છૂટાછેડા અને તેના પિતા રાકેશ રોશનના કેન્સર વિશે ખુલીને વાત કરી હતી.
સુનૈનાએ પરિવારના મુશ્કેલ સમય વિશે કરી વાત
સુનૈના રોશને એક ઈન્ટરવ્યુમાં કહ્યું કે “અમે લડાઈ પ્રત્યે સકારાત્મક વલણ ધરાવીએ છીએ. અમે અમારી શક્તિ એકબીજાને આપીએ છીએ.” તેણે તેના માતા-પિતા અને ભાઈ રિતિકનો સાથ તેના જીવનમાં ખૂબ જ મહત્વપૂર્ણ ગણાવ્યો હતો. સુનૈના માને છે કે પરિવાર દ્વારા સામનો કરવામાં આવેલ કટોકટીથી દરેકને તેમની શક્તિઓને ઓળખવામાં મદદ મળી છે અને તે જીવનની સુંદરતાને વધુ સારી રીતે સમજવામાં મદદ કરે છે.
રિતિક-સુઝેનના છૂટાછેડા પર સુનૈનાની પ્રતિક્રિયા
સુનૈનાએ રિતિક રોશન અને સુઝૈન ખાન વચ્ચેના સંબંધો વિશે વધુ વાત કરી ન હતી પરંતુ ચોક્કસપણે કહ્યું હતું કે બંને હજી પણ ઘણા સારા મિત્રો છે. બંને એકબીજાના ભાગીદાર તરીકે જીવન જીવવા માટે સક્ષમ ન હતા. તેથી બંનેએ સાથે છૂટાછેડા લેવાનું નક્કી કર્યું.
પિતા રાકેશ રોશનના કેન્સર વિશે પણ કરી વાત
ફેમસ ફિલ્મ મેકર રાકેશ રોશને વર્ષ 2018માં ગળાના કેન્સરને હરાવ્યું છે. રાકેશે એક ઈન્ટરવ્યુમાં જણાવ્યું હતું કે તેની માનસિક શક્તિએ તેને તેની બીમારી દૂર કરવામાં મદદ કરી હતી. તેને કહ્યું કે તેને ધૂમ્રપાન સિવાય તેની લાઈફસ્ટાઈલમાં ઘણા ફેરફારો કર્યા છે, પરંતુ માનસિક સ્વાસ્થ્ય તેના માટે સૌથી મહત્વપૂર્ણ છે. તેમના કહેવા પ્રમાણે, તેઓ પહેલાથી જ કેન્સર વિશે જાણતા હતા અને તેથી તેમને આ રોગને જાતે જ ઓળખી લીધો હતો.
આ સિવાય આ ઈન્ટરવ્યુમાં સુનૈના રોશને તે તમામ સમાચારોને પણ નકારી કાઢ્યા હતા, જેમાં દાવો કરવામાં આવી રહ્યો હતો કે તે કોઈ માનસિક બીમારીનો શિકાર છે. તેણે કહ્યું કે આવા સમયે પરિવાર ખૂબ જ મહત્વપૂર્ણ છે જે તમને દરેક પરિસ્થિતિમાં સાથ આપે છે.
રિતિક સબા આઝાદને કરી રહ્યો છે ડેટ
તમને જણાવી દઈએ કે રિતિકે ફરી એકવાર પોતાના જીવનમાં પ્રેમ કર્યો છે. તે તેની ગર્લફ્રેન્ડ સબા આઝાદને ડેટ કરી રહ્યો છે, જ્યારે સુઝેન પણ તેના નવા પાર્ટનર સાથે ખુશહાલ જીવન જીવી રહી છે. રિતિક અને સુઝૈનનાં લગ્ન ડિસેમ્બર 2000માં થયાં હતાં. બંને લાંબા સમયથી એકબીજાને ડેટ કરી રહ્યા હતા.
