IPL 2025 SRH vs LSG: IPL 2025માં લખનૌ સુપર જાયન્ટ્સે જીતનું ખાતું ખોલ્યું, હૈદરાબાદ 5 વિકેટથી હારી ગયું

ગુરુવારે લખનૌ સુપર જાયન્ટ્સ અને સનરાઇઝર્સ હૈદરાબાદ વચ્ચે IPL 2025 ની મેચ રમાઈ હતી. જે LSG એ 5 વિકેટથી જીત્યું. સનરાઇઝર્સ હૈદરાબાદે પ્રથમ બેટિંગ કરતા 20 ઓવરમાં 9 વિકેટ ગુમાવીને 190 રન બનાવ્યા, જેના જવાબમાં લખનૌએ 23 બોલ બાકી રહેતા મેચ જીતી લીધી. LSG એ 16.1 ઓવરમાં પાંચ વિકેટે 193 રન બનાવ્યા. લખનૌ માટે નિકોલસ પૂરને સૌથી વધુ 70 રન બનાવ્યા. આ હાર સાથે, હૈદરાબાદની ટીમ પોઈન્ટ ટેબલમાં પ્રથમ સ્થાનથી છઠ્ઠા સ્થાને સરકી ગઈ છે, જ્યારે લખનૌ બીજા સ્થાને પહોંચી ગયું છે.

૧૯૧ રનના લક્ષ્યાંકનો પીછો કરતી વખતે લખનૌ સુપર જાયન્ટ્સની શરૂઆત ખરાબ રહી હતી. ટીમે બીજી ઓવરમાં એડન માર્કરામના રૂપમાં પોતાની પહેલી વિકેટ ગુમાવી દીધી. માર્કરામ ફક્ત એક જ રન બનાવી શક્યો. આ પછી, પૂરણ અને માર્શે ઇનિંગ્સની કમાન સંભાળી અને બીજી વિકેટ માટે 116 રન ઉમેર્યા. નિકોલસ પૂરન 26 બોલમાં 70 રન બનાવીને આઉટ થયા હતા અને મિશેલ માર્શ 31 બોલમાં 52 રન બનાવીને આઉટ થયા હતા. આયુષ બદોની 6 રન બનાવીને પેવેલિયન પરત ફર્યા હતા અને ઋષભ પંત 15 રન બનાવીને પાછા ફર્યા હતા. ડેવિડ મિલર ૧૩ અને અબ્દુલ સમદ ૨૨ રને અણનમ રહ્યા. હૈદરાબાદ તરફથી પેટ કમિન્સે ૨ વિકેટ, શમી, જમ્પા અને હર્ષલે ૧-૧ વિકેટ લીધી.

બીજી તરફ, પ્રથમ બેટિંગ કરતા, સનરાઇઝર્સ હૈદરાબાદે 20 ઓવરમાં 9 વિકેટ ગુમાવીને 190 રન બનાવ્યા. હૈદરાબાદ તરફથી ટ્રેવિસ હેડે સૌથી વધુ 47 રન બનાવ્યા. પહેલા બેટિંગ કરવા આવેલા સનરાઇઝર્સ હૈદરાબાદની શરૂઆત ખરાબ રહી હતી. ત્રીજી ઓવરમાં શાર્દુલ ઠાકુરે અભિષેક શર્મા અને ઇશાન કિશનને સતત બોલ પર પેવેલિયન મોકલી દીધા. અભિષેકે 6 બોલમાં 6 રન બનાવ્યા હતા, જ્યારે ઇશાન કિશન ખાતું ખોલાવ્યા વિના આઉટ થયો હતો. આ પછી, ટ્રેવિસ હેડ 28 બોલમાં 47 રન બનાવીને આઉટ થયો. તે પ્રિન્સના બોલ પર ક્લીન બોલ્ડ થયો. હેનરિક ક્લાસેન 26 રનના વ્યક્તિગત સ્કોર પર રન આઉટ થયા. નીતિશ કુમારે 28 બોલમાં 32 રનનું યોગદાન આપ્યું. અનિકેતે ૧૩ બોલમાં ૩૬ રન બનાવ્યા. અભિનવે 2 રન બનાવ્યા. પેટ કમિન્સ ૧૮ રન બનાવીને પેવેલિયન પરત ફર્યા અને શમી એક રન બનાવીને પાછો ફર્યો. લખનૌ તરફથી શાર્દુલ ઠાકુરે 4 વિકેટ લીધી.