સ્પોર્ટ્સ

લખનૌ સમારોહમાં Rinku Singh ગેરહાજર: Yogi Adityanathના હાથે મળવાનો હતો નિમણૂક પત્ર

Updated: 25-03-2026, 10.03 AM

Rinku singh news : સમારોહમાં મુખ્યમંત્રી યોગી આદિત્યનાથે રાજ્યના અન્ય ખેલાડીઓનું પણ સન્માન કર્યું. છ આંતરરાષ્ટ્રીય ખેલાડીઓને સરકારી નોકરી માટે નિયુક્તિ પત્ર આપવામાં આવ્યા હતા. જેમાં રાજકુમાર પાલ (હોકી) અને પ્રવીણ કુમાર (પેરાલિમ્પિક ઊંચી કૂદ)ને ડીએસપી પદ, અજિત સિંહ (પેરાલિમ્પિક ભાલા ફેંક) અને સિમરન (પેરાલિમ્પિક એથલેટિક્સ)ને જિલ્લા પંચાયત રાજ અધિકારી, જ્યારે પ્રીતિપાલને ખંડ વિકાસ અધિકારી બનાવવામાં આવ્યા. તે ઉપરાંત પાંચ ખેલાડીઓને લક્ષ્મણ એવોર્ડથી સન્માનિત કરવામાં આવ્યા.

આ એવોર્ડ હેઠળ 3.11 લાખ રૂપિયા, કાંસાની પ્રતિમા અને પ્રશંસા પ્રમાણપત્ર આપવામાં આવ્યો. સન્માનિત ખેલાડીઓમાં ઉતમ સિંહ (હોકી, ગાઝીયાપુર), અભિજીત કુમાર (જિમ્નાસ્ટિક, પ્રયાગરાજ), જોન્ટી કુમાર (કુશ્તિ, નોઈડા), યશ કુમાર (પેરા કેનોઇંગ, આગ્રા) અને પ્રવીણ કુમાર (પેરા એથલેટિક્સ, નોઈડા) સામેલ છે.

રાણી લક્ષ્મીબાઈ એવોર્ડ પણ આપવામાં આવ્યો

ચાર મહિલા ખેલાડીઓને રાણી લક્ષ્મીબાઈ એવોર્ડથી સન્માનિત કરવામાં આવ્યા: પ્રાચી (સહારનપુર), તાન્યા ચૌધરી (બાગપત), પ્રગતિ કેસરવાણી (લખનૌ) અને વંટીકા અગ્રવાલ (નોઈડા), તમામને 3.11 લાખ રૂપિયા, કાંસાની પ્રતિમા અને પ્રશંસા પત્ર આપવામાં આવ્યા. સમારોહમાં 14 પદક વિજેતા ખેલાડીઓને રોકડ પુરસ્કાર પણ આપવામાં આવ્યું. પેરા પાવરલિફ્ટિંગના ખેલાડી વિનયને સૌથી વધુ રકમ, 40 લાખ રૂપિયા આપવામાં આવ્યા. તે ઉપરાંત વુશુ, શૂટિંગ, પર્વતારોહણ અને સોફ્ટ ટેનિસના ખેલાડીઓને પણ આર્થિક પ્રોત્સાહન આપવામાં આવ્યું.

આ અવસર પર ખેલાડીઓએ સરકારની ખેલ નીતિ અને મળતા સહયોગની પ્રશંસા કરી. મુખ્યમંત્રીએ જણાવ્યું કે, રાજ્યમાં રમતગમતને પ્રોત્સાહન આપવા માટે સતત પ્રયત્નો કરવામાં આવી રહ્યા છે અને ખેલાડીઓને દરેક શક્ય સુવિધા આપવામાં આવશે.

છ આંત્રરાષ્ટ્રીય ખેલાડીઓને મળ્યા નિમણૂક પત્રો:

રાજકુમાર પાલ: હોકી ખેલાડી, ડીએસપી

પ્રવીણ કુમાર: પેરાલિમ્પિક (ઊંચી કૂદ), ડીએસપી

અજિત સિંહ: પેરાલિમ્પિક (ભાલા ફેંક), જિલ્લા પંચાયત રાજ અધિકારી

સિમરન: પેરાલિમ્પિક (એથલેટિક્સ), જિલ્લા પંચાયત રાજ અધિકારી

પ્રીતિપાલ: પેરાલિમ્પિક (એથલેટિક્સ), ખંડ વિકાસ અધિકારી

રિંકુ સિંહ : ક્રિકેટ, પ્રાદેશિક રમતગમત અધિકારી

જોકે, અનિવાર્ય કારણોસર રિંકુ સિંહ આ કાર્યક્રમમાં હાજરી આપી શક્યા નહીં.

લક્ષ્મણ એવોર્ડ પ્રાપ્ત ખેલાડીઓ:

ઉતમ સિંહ: હોકી, ગાઝીયાપુર

અભિજીત કુમાર: જિમ્નાસ્ટિક, પ્રયાગરાજ

જોન્ટી કુમાર: કુશ્તિ, નોઈડા