Sensex crash today : શેરબજારમાં ‘બ્લેક મન્ડે’: BSE Sensex 1100થી વધુ પોઈન્ટ તૂટ્યો, રોકાણકારોને મોટો ઝટકો

Sensex crash today : સોમવારે ટ્રેડિંગ સત્રની શરૂઆત જ અત્યંત ખરાબ રહી હતી. બોમ્બે સ્ટોક એક્સચેન્જનો 30 શેરો ધરાવતો બેન્ચમાર્ક ઈન્ડેક્સ સેન્સેક્સ, તેના અગાઉના બંધ 73,583 ની સામે સીધો 72,565 પર ખુલ્યો હતો. જોકે, વેચવાલીનું દબાણ એટલું તીવ્ર હતું કે ગણતરીની મિનિટોમાં જ ઇન્ડેક્સ 72,391 ના સ્તરે સરકી ગયો હતો. આમ, બજાર ખુલતાની સાથે જ સેન્સેક્સમાં 1,192 પોઈન્ટનો મોટો ગાબડો જોવા મળ્યો હતો.

નિફ્ટી પણ ધડામ

નેશનલ સ્ટોક એક્સચેન્જના નિફ્ટીમાં પણ આવી જ સ્થિતિ જોવા મળી હતી. નિફ્ટી ઇન્ડેક્સ ગયા શુક્રવારના 22,819 ના સ્તરથી ઘટીને 22,549 પર ખુલ્યો અને જોતજોતામાં 349 પોઈન્ટના ઘટાડા સાથે 22,470 ના સ્તરે ટ્રેડ થતો જોવા મળ્યો હતો. બજારમાં અચાનક આવેલી આ સુનામી પાછળ વિદેશી સંકેતો જવાબદાર હોવાનું મનાય છે.

Also Read

ક્લીન એનર્જી ક્ષેત્રે રેકોર્ડ રોકાણ પણ નિર્માણની ગતિ ધીમી | Record investment in clean energy sector but slow construction pace

બેંકિંગ શેરોમાં ભારે ધોવાણ

Also Read

તમિલનાડુની ફેક્ટરીમાં ભયાનક ગેસ ગળતર: 65 કર્મચારીઓ બીમાર, 7ના મોત, CMનો તપાસનો આદેશ | tamil nadu ammonia gas leak seafood factory 65 workers affected many death

સોમવારની ઉથલપાથલમાં સૌથી વધુ માર બેંકિંગ સેક્ટરને પડ્યો હતો. ખાનગી અને સરકારી બંને બેંકોના શેરોમાં પડાપડી જોવા મળી હતી. શરૂઆતના વેપારમાં એક્સિસ બેંકનો શેર સૌથી વધુ 4% તૂટ્યો હતો.

આ ઉપરાંત કોટક મહિન્દ્રા બેંક 3%, HDFC બેંક 2.50%, ICICI બેંક 1.70% અને દેશની સૌથી મોટી બેંક SBI ના શેરમાં 1.10% નો ઘટાડો નોંધાયો હતો. બેંકિંગ સિવાય બજાજ ફાઇનાન્સ અને ભારતી એરટેલ જેવા લાર્જકેપ શેરો પણ લાલ નિશાનમાં ટ્રેડ થઈ રહ્યા હતા.