Salman Khan ની મિડનાઇટ પોસ્ટ વાયરલ, ફેન્સ પૂછે છે – ‘ભાઈજાન સૂતા નથી?’

બોલિવૂડના સુપરસ્ટાર Salman Khan હાલ પોતાની આગામી ફિલ્મ Matru Bhoomi: May War Rest in Peace ના કામમાં વ્યસ્ત છે. જોકે, આ વ્યસ્ત શેડ્યૂલ વચ્ચે પણ તે પોતાના અંગત જીવનના ખાસ પળો ચાહકો સાથે શેર કરવાનું ભૂલતો નથી.

તાજેતરમાં સલમાન ખાને પોતાના સત્તાવાર Instagram એકાઉન્ટ પર મોડી રાત્રે કેટલીક તસવીરો શેર કરી, જે સોશિયલ મીડિયા પર ઝડપથી વાયરલ થઈ ગઈ છે. આ તસવીરોમાં સલમાન સફેદ શર્ટ અને બ્લૂ ડેનિમ જીન્સમાં સ્ટાઇલિશ અંદાજમાં જોવા મળે છે. પરંતુ પોસ્ટનું મુખ્ય આકર્ષણ તેમનો પાલતુ શ્વાન રહ્યો, જેના સાથે સલમાન ખૂબ જ પ્રેમભરી પળો માણતા જોવા મળે છે.

આ પોસ્ટ સાથે સલમાને કેપ્શન આપ્યું, “3:55 માય સુખ”, જે ચાહકોનું ખાસ ધ્યાન ખેંચી રહ્યું છે. તસવીરોમાં તેમના ચહેરા પર શાંતિ અને ખુશી સ્પષ્ટ દેખાઈ રહી છે.

Also Read

Ranbir Kapoor ‘રામાયણ’માં ડબલ રોલમાં! રામ અને પરશુરામનું પાત્ર નિભાવશે

પોસ્ટ વાયરલ થતાં જ ફેન્સે કોમેન્ટ્સનો વરસાદ કર્યો. ઘણા યુઝર્સે પૂછ્યું કે સલમાન આટલી રાત્રે કેમ જાગતા હતા, તો કેટલાકે તેમની સ્ટાઇલ અને સિમ્પ્લિસિટી ની પ્રશંસા કરી. આ પોસ્ટ પર અભિનેત્રી Tina Datta એ તેને “સુંદર” ગણાવી, જ્યારે Neha Malik એ હાર્ટ ઈમોજી સાથે પોતાની લાગણી વ્યક્ત કરી.

Also Read

KKR સામે Punjab Kingsનો પડકાર: શું Kolkata Knight Riders ત્રીજી હારથી બચશે?

ફિલ્મ Matru Bhoomi: May War Rest in Peace વિશે વાત કરીએ તો, આ ફિલ્મનું દિગ્દર્શન Apoorva Lakhia કરી રહ્યા છે. આ ફિલ્મમાં સલમાન ખાન સાથે Chitrangada Singh મુખ્ય ભૂમિકામાં જોવા મળશે. શરૂઆતમાં ફિલ્મનું નામ ‘Battle of Galwan’ રાખવામાં આવ્યું હતું, પરંતુ બાદમાં તેને બદલવામાં આવ્યું.

દેશભક્તિ અને યુદ્ધની પૃષ્ઠભૂમિ પર આધારિત આ ફિલ્મ આ વર્ષની સૌથી ચર્ચિત ફિલ્મોમાંની એક બની રહી છે. હાલ ફિલ્મની સત્તાવાર રિલીઝ ડેટ જાહેર થઈ નથી, પરંતુ ચાહકોમાં તેનો ઉત્સાહ પહેલાથી જ જોવા મળી રહ્યો છે.