મારું ગુજરાત

દર્દનાક ઘટના! Ahmedabadમાં પોલીસ કોન્સ્ટેબલના ત્રાસથી પત્નીનો આપઘાત, વોટ્સએપ સ્ટેટસમાં વ્યક્ત કરી પીડા

Updated: 25-04-2026, 02.46 PM

Ahmedabad police constable harassment case wife suicide : અમદાવાદમાં રક્ષક જ ભક્ષક બન્યો હોવાની ચોંકાવનારી ઘટના સામે આવી છે. શહેરના સેટેલાઈટ પોલીસ સ્ટેશનમાં ફરજ બજાવતા એક પોલીસ કોન્સ્ટેબલના ત્રાસથી કંટાળી તેની પત્નીએ આપઘાત કરી લેતા ચકચાર મચી ગઈ છે. આ મામલે મૃતકના ભાઈએ વાસણા પોલીસ સ્ટેશનમાં પોલીસકર્મી પતિ વિરુદ્ધ ગંભીર આક્ષેપો સાથે ફરિયાદ નોંધાવી છે.

શું છે સમગ્ર મામલો?
શહેરના વાસણા વિસ્તારમાં રહેતા અને સેટેલાઈટ પોલીસ સ્ટેશનમાં કોન્સ્ટેબલ તરીકે ફરજ બજાવતા અર્જુનસિંહ પુરોહિતની પત્ની ગીતાબેને ગળેફાંસો ખાઈ જીવન ટૂંકાવ્યું છે. આરોપ છે કે, કાયદાનું રક્ષણ કરનાર પતિ જ પત્નીને માનસિક અને શારીરિક રીતે અસહ્ય ત્રાસ આપતો હતો. આ આપઘાત પાછળ પતિની મારઝૂડ અને સતત થતા ઝઘડા મુખ્ય કારણ હોવાનું સામે આવ્યું છે.

ઊંઘની ગોળીઓ આપી બનાવને આપ્યો નવો વળાંક?
ઘટનાની વિગતો મુજબ, ગત 15 એપ્રિલના રોજ કોન્સ્ટેબલ અર્જુનસિંહે તેના સાળાને ફોન કરીને જણાવ્યું હતું કે, “દીકરાનો મેડિકલ રિપોર્ટ સારો ન આવતા ગીતા પરેશાન છે અને તેણે ઊંઘની ગોળીઓ ખાધી છે.” જોકે, ગીતાબેનના ભાઈને શંકા જતાં તેમણે વીડિયો કોલ કર્યો હતો, જેમાં તેમની બહેન અર્ધબેભાન અવસ્થામાં દેખાઈ હતી. તેઓ તાત્કાલિક બહેનના ઘરે પહોંચે તે પહેલા જ સમાચાર મળ્યા કે ગીતાબેને ગળેફાંસો ખાઈ લીધો છે. પરિવારે આક્ષેપ કર્યો છે કે પતિએ પત્નીને ઊંઘની ગોળીઓ આપી સૂવડાવી દીધી હતી અને ત્યારબાદ આ ઘટના બની હતી.