અમેરિકામાં ઘરથી મોટેલ કે સુપર માર્કેટ જતા ગુજરાતીઓ સુરક્ષિત નથી, એક વર્ષમાં 8ની હત્યા | Gujarati Woman From Mehsana Shot Dead at Virginia Supermarket During Robbery

Gujarati Woman Shot Dead in US: મહેસાણા જિલ્લાના વિજાપુર તાલુકાના જંત્રાલ ગામની 45 વર્ષીય મેઘનાબેન પટેલની અમેરિકાના વર્જિનિયા રાજ્યમાં એક સુપરમાર્કેટમાં અજાણ્યા માસ્કવાળા યુવકે ગોળી મારીને હત્યા કરી દીધી છે. આ ઘટનાથી ગુજરાતના પટેલ સમુદાય ઉપરાંત સમગ્ર ગુજરાતી ડાયસ્પોરામાં ફરી એકવાર દુઃખ અને આક્રોશની લહેર વ્યાપી ગઈ છે. મેઘનાબેન છેલ્લા દસ વર્ષથી તેમના પતિ ઉપેન્દ્ર પટેલ સાથે આ સ્ટોર પર કામ કરતાં હતાં. 23 મેના રોજ સવારે આ ઘટના બની હતી, જેમાં ક્લોઝ સર્કિટ (CC) કેમેરામાં સ્પષ્ટ રીતે જોવા મળ્યું કે માસ્કવાળા વ્યક્તિએ કાઉન્ટર પર આવીને થોડી વાત કરી અને અચાનક ગોળીબાર કરીને લૂંટ કરી ફરાર થઈ ગયો હતો.

જંત્રાલ ગામમાં સમાચાર પહોંચતાં જ આખો વિસ્તાર શોકમગ્ન

Also Read

ગુજરાતમાં કચ્છના દરિયાકાંઠે ATSની મોટી કાર્યવાહી, 200 કરોડનું ડ્રગ્સ પકડાતા ખળભળાટ | Kutch Drug Seizure: Gujarat ATS and Coast Guard Seize ₹200 Crore Worth of Drugs

જંત્રાલ ગામમાં આ સમાચાર પહોંચતાં આખા વિસ્તારમાં શોકનો માહોલ છવાઈ ગયો છે. મેઘનાબેનના પિતા કરસનભાઈ પટેલ અને માતા કપિલાબેન માટે આ આઘાત સહન કરવો મુશ્કેલ બન્યો છે. તેઓ એક દીકરી નક્ષી અને એક દીકરા સ્મિતનાં માતા હતાં. મહેસાણા-સાબરકાંઠા વિસ્તારના ઘણા ગામોમાંથી લોકો અમેરિકા, કેનેડા અને અન્ય દેશોમાં મોટેલ, ગેસ સ્ટેશન તથા કન્વીનિયન્સ સ્ટોરના વ્યવસાયમાં સફળતા મેળવી રહ્યા છે. પરંતુ આવી ઘટનાઓ વારંવાર બનતી હોવાથી હવે સમુદાયમાં ચિંતાનું વાતાવરણ જોવા મળી રહ્યું છે. આ વર્ષે મેઘનાબેન પટેલની ઘટના સાથે અમેરિકામાં પાટીદાર સમુદાયના સાતમા વ્યક્તિનું મોત આવા જ વ્યાવસાયિક સ્થળો પર થયું છે.

Also Read

ભાજપમાં ભાંજગડ બાદ આવતીકાલે વડોદરાને નવા મેયર સહિત પાંચ પદાધિકારી મળશે | Vadodara will get 5 office bearers including a new mayor tomorrow

વર્જિનિયા અને સાઉથ કેરોલિના સહિત વિવિધ રાજ્યોમાં ટાર્ગેટ

ગત વર્ષ 2025માં પણ અનેક કેસો સામે આવ્યા હતા જેમાં વર્જિનિયા, સાઉથ કેરોલિના સહિતના વિવિધ રાજ્યોમાં સ્ટોર અને મોટેલ પર લૂંટના પ્રયાસ દરમિયાન ગુજરાતીઓનાં મોત નીપજ્યા હતા. પ્રદીપ પટેલ અને તેમની દીકરી ઊર્મી, કિરણબેન પટેલ, પરેશ પટેલ જેવા અનેક નામો આ યાદીમાં સામેલ છે. મોટેભાગે આ ઘટનાઓ લૂંટના ઇરાદાથી થાય છે અને નાના વ્યવસાયોને ટાર્ગેટ કરવામાં આવે છે.

આ પણ વાંચો: પેટ્રોલ-ડીઝલ બચાવવાની વાતો વચ્ચે અમદાવાદમાં એક પણ સાયકલ ટ્રેક નહીં, વિદેશમાં લોકો ગર્વથી ચલાવે તો ભારતમાં મજબૂરી!

અમેરિકામાં વ્યાવસાયિક સ્થળો પર સુરક્ષા મજબૂત કરવા માંગ

જંત્રાલ અને આસપાસના ગામોમાં હાલ દુઃખ અને આક્રોશ સાથે ચર્ચાઓ ચાલી રહી છે કે અમેરિકન ડ્રીમની પાછળ કેટલું મોટું જોખમ છે. સમુદાયના લોકો માને છે કે વ્યવસાયમાં સુરક્ષા વ્યવસ્થા મજબૂત કરવી જરૂરી છે. અમેરિકાની સ્થાનિક પોલીસ હાલ તપાસ કરી રહી છે અને આરોપીની શોધમાં છે. આવી ઘટનાઓથી ગુજરાતી સમુદાયમાં ભારે અસર પડી છે અને વધુ સુરક્ષિત વ્યવસાયિક વાતાવરણની માંગ ઉઠી છે.