ક્રૂડમાં તેજીનો માહોલ : સોનામાં ઘટાડો ચાંદી નીચી ખુલ્યા પછી ફરીથી ઉંચકાઇ | Crude oil prices rise: Gold falls silver rises again after opening lower

મુંબઈ : મુંબઈ ઝવેરીબજારમાં આજે સોનાના ભાવ ઘટયા હતા જ્યારે ચાંદીના ભાવ નીચા ખુલ્યા પછી ફરી વધી આવ્યા હતા. પ્લેટીનમના ભાવ પણ ઉંચકાયા હતા. દરમિયાન, વિશ્વબજારમાં આજે ક્રૂડતેલના ભાવ ૪ ટકા ઉછળ્યા હતા. વિવિધ દેશોમાં ક્રૂડતેલનો સ્ટોક ઘટી રહ્યો છે એ જોતાં આગળ ઉપર ક્રૂડના ભાવ ઉછળી બેરલના ૧૫૦ ડોલર થઈ જવાની આગાહી જાણકારોએ કરતાં વિશ્વબજારમાં અજંપો જણાયો હતો. 

દરમિયાન, વિશ્વબજારમાં આજે સોનાના ભાવ ઔંસના ૪૫૪૦થી ૪૫૪૧ વાળા ઘટી નીચામાં ભાવ ૪૪૮૯ થઈ ૪૫૦૯થી ૪૫૧૦ ડોલર રહ્યા હતા. ડોલરનો વૈશ્વિક ઈન્ડેક્સ વધતાં વૈશ્વિક સોનામાં ફંડોનું સેલીંગ વધ્યાના વાવડ હતા.

Also Read

અનિલ અગ્રવાલની મુશ્કેલીઓ વધી! વેદાંતા ગ્રૂપ પર EDના દરોડા, FEMA કેસમાં મુંબઈ-દિલ્હીમાં તપાસ | ed raids vedanta group delhi mumbai fema investigation

દરમિયાન, વિશ્વબજાર પાછળ ઘરઆંગણે અમદાવાદ ઝવેરીબજારમાં આજે સોનાના ભાવ ૧૦ ગ્રામના રૂ.૫૦૦ ઘટી ૯૯૫ના ભાવ રૂ.૧૬૦૨૦૦ તથા ૯૯૯ના ભાવ રૂ.૧૬૦૫૦૦ રહ્યા હતા જ્યારે અમદાવાદ ચાંદીના ભાવ કિલોના રૂ.૫૦૦૦ ઘટી રૂ.૨૫૫૦૦૦ રહ્યા હતા.

Also Read

‘સરકારને શક્તિ ન હોય તો ખેડૂતોને અવળે માર્ગે ના દોરે…’ નસવાડી APMCમાં મકાઈ વેચવા આવેલા ખેડૂતોમાં રોષ | farmers angry as maize buying quota reduced at naswadi apmc

વિશ્વબજારમાં ક્રૂડતેલ બજારમાં આજે બ્રેન્ટ ક્રૂડના ભાવ વધી બેરલના ૯૪.૬૫ થઈ ૯૭.૬૮ ડોલર રહ્યા હતા જ્યારે યુએસ ક્રૂડના ભાવ વધી ૯૧.૪૬ થઈ ૯૦.૪૧ ડોલર રહ્યા હતા. વૈશ્વિક ચાંદીના ભાવ ઔંશના ૭૫.૨૯ વાળા ભાવ ઉંચામાં ૭૬.૨૯ થઈ ૭૫.૭૯થી ૭૫.૮૦ ડોલર રહ્યા હતા.

દરમિયન, મુંબઈ બુલીયન બજારમાં આજે સોનાના ભાવ જીએસટી વગર રૂ.૮૦૦ ઘટી ૯૯૫ના ભાવ રૂ.૧૫૪૯૧૩ તથા ૯૯૯ના ભાવ રૂ.૧૫૫૫૩૬ રહ્યા હતા જ્યારે મુંબઈ ચાંદીના ભાવ જીએસટી વગર રૂ.૨૬૩૦૦૦ વાળા રૂ.૨૬૨૯૦૦ ખુલી રૂ.૨૬૩૨૫૦ રહ્યા હતા. વિશ્વબજારમાં પ્લેટીનમના ભાવ ૧૯૪૪ ડોલર રહ્યા હતા. પેલેડીયમના ભાવ ૧૩૬૦ વાળા નીચામાં ભાવ ૧૩૪૬ થઈ ૧૩૫૮થી ૧૩૫૯ ડોલર રહ્યા હતા.વૈશ્વિક કોપરના ભાવ ૨.૫૪ ટકા ઉછળ્યા હતા.મુંબઈ બુલીયન બજારમાં આજે પ્લેટીનમના ભાવ ૧૦ ગ્રામના રૂ.૬૦૦થી ૭૦૦ વધી રૂ.૬૫૬૫૭ રહ્યા હતા.