સાવલીની શ્રી સરકાર જમીન અને પુત્રને નોકરી અપાવવાના નામે 14 લાખની ઠગાઇ | cheating of rs 14 lakhs on the name of government land and job

વડોદરાઃ વડોદરાના સમા-સાવલી રોડ પર રહેતા નિવૃત્ત કર્મચારીને તેમના પરિચિત મારફતે ભેટી ગયેલા ગઠિયાએ સાવલીની શ્રી સરકાર જમીન પાણીના ભાવે અપાવવાની લોભામણી વાતમાં ફસાવી અને પુત્રને તલાટીની નોકરી અપાવવાની ખાતરી આપી રૃ.૧૪ લાખની ઠગાઇ થતાં પોલીસે ગુનો નોંધ્યો છે.

સમા-સાવલી રોડ પર  અજીતાનગરમાં રહેતા નિવૃત્ત કર્મચારી ચંદુભાઇ ગોહિલે પોલીસને કહ્યું છે કે, મંજુસરમાં રહેતા મારા પરિચિત રમણભાઇ ગોહિલ મારફતે મારે રમેશ ઉર્ફે મહેશ દેવજી ભાઇ વાઘેલા(પ્રહલાદનગર,સેટેલાઇટ, અમદાવાદ મૂળ રહે.કલ્યાણપુરા,કલોલ, ગાંધીનગર)નો સંપર્ક થયો હતો.

Also Read

વડાપ્રધાન મોદીએ સુરતથી દક્ષિણ ગુજરાતને આપી અનેક ભેટ, રૂ.18,778 કરોડના કાર્યોનું ખાતમુહૂર્ત અને લોકાર્પણ | PM Modi lays foundation stone and inaugurates works worth Rs 18778 crore in Surat

રમેશ ગોહિલે પોતે શ્રી સરકાર જમીન ખૂબ જ સસ્તામાં અપાવતા હોવાની વાતો કરી હતી અને સાવલીની ખાનગી કોલેજની સામે આવેલી ચાર એકર જમીન બતાવી રૃ.૩.૮૫ લાખ લેખે ભાવ નક્કી કર્યો હતો. હકિકતમાં આ જમીનનો બજાર ભાવ ગણીએ તો ચાર એકરનીઅંદાજિત કિંમત રૃ.૪ કરોડ જેટલો થાય છે.

Also Read

નાંદોદના તત્કાલીન મામલતદારની ધરપકડ, જમીન કૌભાંડ કરી સરકારને 1.29 કરોડની ખોટ ખવડાવી, 3 દિવસના રિમાન્ડ મંજૂર | Land scam accused Mamlatdar of Nandod Rohit Babulal Pakhwala was arrested Gandhinagar CID Crime

ગઠિયાએ એન્ટ્રી,સ્ટેમ્પ ડયુટી,ફેન્સિંગ, કલેક્ટર કચેરીના પ્રોસિજર જેવા બહાના બતાવી વારંવાર રૃપિયા પડાવ્યા હતા.આ ઉપરાંત તેણે ચંદુભાઇના પુત્રને તલાટીની નોકરી અપાવવાના નામે પણ રૃ.૩  લાખ ખંખેરી લીધા હતા.

પરંતુ સવા વર્ષમાં રૃ.૧૪ લાખ ઉપરાંત ચૂકવ્યા પછી પણ જમીન નામે નહિ થતાં કે પુત્રને નોકરી નહિ મળતાં ચંદુભાઇને શંકા પડી હતી.જેથી તેમણે હરણી પોલીસ સ્ટેશનમાં ફરિયાદ નોંધાવતા પોલીસે રમેશ વઘેલાની તપાસ હાથ ધરી છે.