નવા ખરીદાયેલ 67194 વાહન ધારકોએ 6 ટકા લેખે 94.56 કરોડનો ટેક્સ ચૂકવ્યો | Owners of 67194 newly purchased vehicles paid a tax of 94 56 crores at the rate of 6 percent

ભાવનગરમાં
છેલ્લા એક વર્ષમાં ૮૦ ટકા ખરીદી બાઇકની થઇ

ગત
વર્ષ દરમિયાન ૫૪૮૫ બાકી ટેક્સદારોમાંથી ૧૨૨૭ વાહનોના રૃા.૩.૮૭ કરોડની વસૂલાત

Also Read

બલ્કમાં શેર અપાવવાનંું કહીને બે ભેજાબાજે ૧૮ લાખ પડાવી લીધા | Two scammers extorted Rs 18 lakhs by promising to provide shares in bulk

ભાવનગર – 
ભાવનગર આરટીઓ દ્વારા બાકી ટેક્સની વસૂલાત પેટે ૫૪૮૫ આસામી
પાસે કરોડોનો ટેક્સ બાકી બોલે છે. જો કે, નોટીસ આપ્યા બાદ
વર્ષ ૨૫-૨૬ દરમિયાન કુલ ૧૨૨૭ બાકીદારો પાસેથી ૩.૮૭ કરોડની વસૂલાત કરાઇ હતી તો નવા
ખરીદાયેલ વાહનો પરનો ટેક્સની આવક ૯૪.૫૬ કરોડથી વધી જવા પામી છે.

Also Read

સાઇટના બીજા માળેથી નીચે પટકાતા શ્રમજીવીનું મોત | Worker dies after falling from second floor of site

મળતી
વિગતો પ્રમાણે ભાવનગર આરટીઓ દ્વારા વાહન ચેકીંગ અને મેમા આપી દંડની વસૂલાત કરવાની
સાથો સાથ રોડ ટેક્સ પણ વસૂલે છે. પરંતુ કેટલાક આસામી વખતો વખત ટેક્સ ભરતા નથી અને
કેસ પેન્ડીંગ ખેંચાતો આવે છએ. ભાવનગર જિલ્લામાં કુલ ૫૪૮૫ આસામી પાસે કરોડોનો ટેક્સ
બાકી બોલી રહ્યો છે. જો કે,
આ વસૂલાત માટે મામલતદારની નિમણૂક પણ થાય છે. પરંતુ માંડ સેટ થાય
ત્યાં બદલીના ઓર્ડર કરતા નક્કર કાર્યવાહી થઇ શકતી નથી. ગત વર્ષમાં બાકી ટેક્સદારો
પૈકી ૫૪૪૫ આસામીઓને નોટીસો આપવામાં આવી હતી. જે પૈકી ૧૨૨૭ કરદાતાઓ પાસેથી ૩.૮૭
કરોડની વસૂલાત થઇ શકી છે. જ્યારે હજુ ૪૨૫૮ આસામી પાસેથી
ટેક્સ વસૂલાત બાકી બોલી રહી છે. જ્યારે નવા વાહન ખરીદી સમયે રજિસ્ટર્ડ ફીની સાથે
વાહનની કિંમતના ૬ ટકા રોડ ટેક્સની પણ ભરપાઇ કરવાની હોય ગત વર્ષે ટુ વ્હીલ, થ્રી વ્હીલ, ફોર વ્હીલ કે હેવી વ્હીકલ મળી કુલ ૬૭૧૯૪
વાહનોનું રજીસ્ટ્રેશન જિલ્લામાં થવા પામ્યું હતું જેના ૬ ટકા લેખેના ટેક્સની આવક
૯૪,૫૬,૬૫૦૦ રૃપિયાની આવક સરકારી
તિજોરીમાં ઠલવાઇ હતી. જ્યારે રજિસ્ટ્રેશન ફી પેટે ચાર કરોડથી વધુ આંક વટી જાય છે.
આમ નવા વાહન ખરીદવામાં ભાવનગરની પ્રજાએ સરકારને ૯૮ કરોડથી વધુની આવક કરી આપી
હોવાનું જણાય છે.

૦૦૦૧
નંબર મેળવવા પસંદગીકારે ૩.૪૨ લાખ ચૂકવ્યા

નવા
વાહનની ખરીદીની સાથે ટેક્સ અને રજિસ્ટ્રેશન ફી ચૂકવ્યા બાદ પસંદગીનો નંબર
મેળવવામાં પણ બોલી બોલાતી હોય ઘણા પસંદગીકારો મનગમતો નંબર મેળવવા પણ ઉત્સુક હોય
છે. ગત વર્ષે ૦૦૦૧ નંબર મેળવવા પસંદગીકારે હાઇએસ્ટ ૩.૪૨ લાખ રૃપિયા ચૂકવ્યા છે. તો
ઘણા પસંદગીકારોએ પોતાને ગમતા નંબર મેળવવા બે લાખ, એક લાખ, કે હજારોમાં
પણ નંબર પસંદ કરેલ છે. જ્યારે વર્ષ દરમિયાન ખુલેલી વિવિધ સીરીઝમાં કુલ ૨૦૭૪ પસંદગી
નંબરો કચેરીએ એલોટ કર્યા હતા અને તેની આવક ૧.૨૦ કરોડને વટી હોવાનું જાણવા મળ્યું
છે.