અમદાવાદમાં અકસ્માતો નિવારવા AMCનો નવો પ્રયોગ, પદયાત્રીઓ માટે શરૂ કરાયું આધુનિક ‘પેલિકન સિગ્નલ’ | Ahmedabad News AMC new experiment on CG Road Modern Pelican Signal launched

Ahmedabad Pelican Signal: અમદાવાદ શહેરમાં ચાલીને જતાં નાગરિકોની સુરક્ષાને પ્રાધાન્ય આપવા અને શહેરની ટ્રાફિક વ્યવસ્થાને વધુ સુગમ તેમજ આધુનિક બનાવવા માટે અમદાવાદ મ્યુનિસિપલ કોર્પોરેશન (AMC) દ્વારા નવી પહેલ કરવામાં આવી છે. જે અંતર્ગત શહેરના સૌથી વધુ વ્યસ્ત અને ધમધમતા વેપારી વિસ્તાર એવા સી.જી. રોડ પર મ્યુનિસિપલ માર્કેટ પાસે પ્રાયોગિક ધોરણે એક ખાસ પેલિકન ટ્રાફિક સિગ્નલ ઇન્સ્ટોલ કરવામાં આવ્યું છે. આ સિગ્નલ સંપૂર્ણપણે પુશ-બટન સંચાલિત છે, જે પદયાત્રીઓને સુરક્ષિત રીતે રસ્તો ઓળંગવામાં મદદ કરશે. 

શું છે આ પેલિકન સિગ્નલ અને કેવી રીતે કરે છે કામ?

Also Read

અમદાવાદમાં ઘર ખરીદવું મોંઘું બનશે, 1 જુલાઈથી પ્રોપર્ટીના ભાવમાં મોટો વધારો, CREDAIનો નિર્ણય | credai ahmedabad property price hike july 2026 war impact construction cost

પેલિકન સિગ્નલ એ ખાસ કરીને પદયાત્રીઓની સુવિધા અને સલામતી માટે ડિઝાઇન કરવામાં આવેલી એક અત્યાધુનિક ‘બટન-ઓપરેટેડ’ સિગ્નલ સિસ્ટમ છે. આ સિસ્ટમનો ઉપયોગ કરવો ખૂબ જ સરળ છે. જ્યારે પણ કોઈ નાગરિકને આ વ્યસ્ત રોડ ઓળંગવો (ક્રોસ કરવો) હોય, ત્યારે તેમણે માત્ર રોડ કિનારે સિગ્નલના પોલ (થાંભલા) પર લગાવેલું એક ખાસ બટન દબાવવાનું રહેશે. નાગરિક દ્વારા બટન દબાવતાની સાથે જ આ આધુનિક સિગ્નલ સિસ્ટમ સક્રિય થઈ જશે અને થોડી જ ક્ષણોમાં સામેથી આવતા વાહનો માટેની ટ્રાફિક લાઈટ લાલ (Red) થઈ જશે. વાહનો માટે લાલ લાઈટ થતાં જ તમામ વાહનો ત્યાં જ ઉભા રહી જશે, જેના કારણે પદયાત્રીઓને કોઈપણ પ્રકારના અકસ્માતના ભય વિના, અત્યંત સુરક્ષિત રીતે રસ્તો ઓળંગવા માટે પૂરતો સમય મળી રહેશે. સિગ્નલ બોર્ડ પર નાગરિકોની સુવિધા માટે ‘WAIT’, ‘WALK’ અને ‘PUSH BUTTON TO CROSS’ જેવા સ્પષ્ટ નિર્દેશો પણ આપવામાં આવ્યા છે.  

Also Read

અમદાવાદ: જૂની અદાવતમાં છરી અને ડંડાથી મિત્રએ કરી મિત્રની હત્યા, બે આરોપી ઝડપાયા, એક ફરાર | man killed by friend police case registered two arrested in ahmedabad

જો પાયલટ પ્રોજેક્ટ સફળ થશે તો અન્ય જગ્યાએ પેલિકન સિગ્નલ ઇન્સ્ટોલ કરવામાં આવશે

હાલ પૂરતું આ નવું સિગ્નલ અમદાવાદ શહેર ટ્રાફિક પોલીસને તેની કામગીરી અને નાગરિકોના રોજિંદા વપરાશના ટ્રાયલ માટે સોંપી દેવામાં આવ્યું છે. તંત્ર દ્વારા આ પ્રાયોગિક ધોરણના સિગ્નલના અમલીકરણ અને તેની સફળતાનું ખૂબ જ બારીકાઈથી અવલોકન કરવામાં આવશે. જો આ ટ્રાયલ સફળ અને યોગ્ય જણાશે, તો આગામી સમયમાં ટ્રાફિક પોલીસની જરૂરિયાત અને ભલામણ મુજબ શહેરના અન્ય વ્યસ્ત તેમજ ભારે ટ્રાફિક ધરાવતા સ્થળો પર પણ આવા આધુનિક પેલિકન સિગ્નલ ઇન્સ્ટોલ કરવામાં આવશે.  

તંત્રની નાગરિકો અને વાહનચાલકોને નમ્ર અપીલ

આ નવી વ્યવસ્થાને સફળ બનાવવા માટે અમદાવાદ મ્યુનિસિપલ કોર્પોરેશન (AMC) અને અમદાવાદ શહેર ટ્રાફિક પોલીસ દ્વારા સંયુક્ત રીતે તમામ શહેરીજનોને એક નમ્ર અપીલ કરવામાં આવી છે. તંત્રએ જણાવ્યું છે કે, મ્યુનિસિપલ માર્કેટ પાસેથી પસાર થતી વખતે પદયાત્રીઓએ પોતાની સુરક્ષા માટે આ નવી સુવિધાનો મહત્તમ ઉપયોગ કરવો જોઈએ. આ સાથે જ, સી.જી. રોડ પરથી પસાર થતા તમામ વાહનચાલકોને પણ ખાસ વિનંતી કરવામાં આવી છે કે જ્યારે પણ પેલિકન સિગ્નલ લાલ (Red) થાય, ત્યારે ટ્રાફિકના નિયમ મુજબ પોતાના વાહનોને ‘STOP’ લાઇન પર થોભાવીને રસ્તો ઓળંગતા પદયાત્રીઓને પૂરેપૂરો સહકાર આપે. જો વાહનચાલકો અને પદયાત્રીઓ બંને આ નિયમોનું પાલન કરશે, તો અમદાવાદની મુસાફરી સૌ કોઈ માટે સુરક્ષિત અને સુખદ બની રહેશે.