લાજવાના બદલે ગાજ્યો આરોપી: નરોડામાં મહિલાની છેડતી કરી પડોશીએ સોસાયટી વચ્ચે ભાઈ સાથે કરી મારામારી | Ahmedabad crime news naroda woman molested by neighbor brother assaulted cctv investigation

Ahmedabad Crime News: અમદાવાદના પૂર્વ વિસ્તારમાં જાહેરમાં મહિલાઓની છેડતીના બનાવો વધતાં તેમની સલામતી સામે સવાલો ઊભા થયા છે. નરોડા વિસ્તારમાં પિયર આવેલી એક મહિલાની પડોશમાં રહેતા શખ્સે સીડીમાં હાથ પકડી, પોતાના ઘરે આવવાનું કહીને છેડતી કરી હતી. એટલું જ નહીં, મહિલાએ બૂમાબૂમ કરતાં આરોપીએ લાજવાના બદલે ગાજીને તેના ભાઈ સાથે મારામારી પણ કરી હતી. આ બનાવ અંગે નરોડા પોલીસે ગુનો નોંધી વધુ તપાસ હાથ ધરી છે.

નરોડાની એક સોસાયટીમાં રહેતી 20 વર્ષની મહિલાએ કઠવાડા રોડ પર રહેતા રાજેન્દ્રભાઈ નામના શખ્સ સામે નરોડા પોલીસ સ્ટેશનમાં ફરિયાદ નોંધાવી છે. ફરિયાદ અનુસાર, મહિલા ગઇકાલે સવારે તેના પિયરમાં ભાઈના ઘરેથી દીકરાને લઈને પોતાના ઘરે જઈ રહી હતી. આ સમયે ભાઈની પડોશમાં રહેતા આરોપીએ સીડીમાં મહિલાનો હાથ પકડી ‘ચાલ મારા ઘરે’ તેમ કહીને ખેંચવા લાગ્યો હતો અને જાહેરમાં શારીરિક અડપલાં કર્યા હતા.

Also Read

વલસાડમાં ‘એક પેડ મા કે નામ’ કાર્યક્રમમાં સંવેદનશીલતા ભુલાઈ, વિદ્યાર્થીઓને 1 કલાક સુધી આકરા તડકામાં ઊભા રાખ્યા | Valsad News Malav Ek Pad Maa Ke Naam Students stand in the hit wave

મહિલાએ બૂમાબૂમ કરતાં તેનો ભાઈ અને સોસાયટીના અન્ય રહીશો દોડી આવ્યા હતા. આ દરમિયાન આરોપીએ ગાળો બોલીને મહિલાના ભાઈ સાથે મારપીટ કરી હતી. મહિલાની ફરિયાદના આધારે નરોડા પોલીસે ગુનો નોંધીને સીસીટીવી (CCTV) ફૂટેજના આધારે વધુ તપાસ શરૂ કરી છે.

Also Read

નડિઆદ સ્પે.પોક્સો કોર્ટનો ચુકાદો : સગીરા પર અત્યાચાર ગુજારનાર નરાધમને 20 વર્ષની સખત કેદ | Nadiad Pocso Court Sentences Accused To 20 Years Imprisonment