IND vs ENG: ભારત સામેની સિરીઝ માટે ઇંગ્લેન્ડ ટીમ જાહેર, 224 રન ફટકારનારા ઓલરાઉન્ડરની એન્ટ્રી | ind vs eng t20 series england squad announced uncapped james coles included

England Announce Team: ભારત અને ઇંગ્લેન્ડ વચ્ચે રમાનારી આગામી મર્યાદિત ઓવરોની સિરીઝ માટે ઇંગ્લેન્ડ ક્રિકેટ બોર્ડે પોતાની 17 સભ્યોની મજબૂત ટીમની જાહેરાત કરી દીધી છે. બંને દેશો વચ્ચે 5 મેચોની રોમાંચક T20 સિરીઝનો પ્રારંભ 1 જુલાઈથી થવા જઈ રહ્યો છે. સિરીઝનો પ્રથમ મુકાબલો ચેસ્ટર-લે-સ્ટ્રીટમાં રમાશે, જ્યારે અંતિમ મેચ 11 જુલાઈએ સાઉથહેમ્પ્ટનમાં યોજાશે. ક્રિકેટ ચાહકો માટે આ સિરીઝ એટલા માટે પણ ખાસ રહેશે કારણ કે આમાં ભારતના 15 વર્ષીય યુવા સેન્સેશન બેટર વૈભવ સૂર્યવંશી પર સૌની નજર ટકેલી રહેશે.

હેરી બ્રૂકના હાથમાં કમાન, જેમ્સ કોલ્સ નવું આકર્ષણ

Also Read

પ્રેગનેન્ટ ક્રિકેટરોને ‘કેરિયર ખતમ થવાનું ટેન્શન’ દૂર કરવા ICCનો મોટો નિર્ણય, ‘કમબેક’ માટે આપ્યા 6 નિયમ | ICC Post Pregnancy Guidelines: 6 Stage Plan For Women Cricketers To Return Safely

ભારત સામેની આ મહત્ત્વપૂર્ણ T20 સિરીઝમાં ઇંગ્લેન્ડ ટીમની કપ્તાની સ્ટાર બેટર હેરી બ્રૂકને સોંપવામાં આવી છે. જોકે બ્રૂકને ન્યૂઝીલેન્ડ સામેની ટેસ્ટ સિરીઝ માટે કેપ્ટન બનાવવામાં આવ્યો નહોતો, પરંતુ વાઇટ-બોલ ક્રિકેટમાં પસંદગીકારોએ તેના નેતૃત્વ પર ફરી એકવાર ભરોસો મૂક્યો છે.

Also Read

સુરત: પાટીદાર અનામત આંદોલન સમયના વધુ બે કેસ પરત ખેંચાયા, હાર્દિક પટેલ અને અલ્પેશ કથીરિયા સહિતના અગ્રણીઓ નિર્દોષ જાહેર | Surat Court Withdraws Two patidar anamat andolan Cases Hardik Patel Acquitted

આ સ્ક્વોડમાં સૌથી મોટું અને ચોંકાવનારું નામ 22 વર્ષીય ઓલરાઉન્ડર જેમ્સ કોલ્સનું છે, જેને પ્રથમ વખત રાષ્ટ્રીય ટીમમાં સ્થાન મળ્યું છે. સસેક્સ વતી રમતા આ યુવા ખેલાડીએ ઘરેલું ક્રિકેટમાં સળંગ શાનદાર પ્રદર્શન કરીને સિલેક્ટર્સનું ધ્યાન ખેંચ્યું હતું. કોલ્સ તાજેતરમાં ત્યારે ભારે ચર્ચામાં આવ્યો હતો જ્યારે તેણે કાઉન્ટી ચેમ્પિયનશિપમાં ગ્લેમોર્ગન સામે અણનમ 224 રનની આક્રમક ઇનિંગ્સ રમી હતી, જે તેના ફર્સ્ટ-ક્લાસ કરિયરનો સર્વોચ્ચ સ્કોર છે. આ ઉપરાંત ગત સીઝનની T20 બ્લાસ્ટ ટૂર્નામેન્ટમાં પણ તેણે બેટ અને બોલ બંને વડે ઓલરાઉન્ડ કમાલ કરી બતાવી હતી. ઇન્ટરનેશનલ ક્રિકેટ કાઉન્સિલ (ICC) એ પણ સોશિયલ મીડિયા પર પોસ્ટ શેર કરીને ઇંગ્લેન્ડના આ અનકેપ્ડ યુવા સ્ટારના સિલેક્શનને બિરદાવ્યું છે.

મોટા ખેલાડીઓ ઇજાગ્રસ્ત, આ સ્ટાર્સની થઈ વાપસી

ICC મેન્સ T20 વર્લ્ડ કપ 2026ની સેમિફાઇનલમાં ભારત સામે શાનદાર રમત રમનાર ઓપનર બેન ડકેટને આ સિરીઝમાંથી આરામ આપવામાં આવ્યો છે અથવા ડ્રોપ કરાયા છે. બીજી તરફ, જોર્ડન કોક્સ, સોની બેકર અને ફાસ્ટ બોલર સાકિબ મહમૂદની ટીમમાં વાપસી થઈ છે.

હાલમાં ઇંગ્લેન્ડની ટીમ ઇજાઓની ગંભીર સમસ્યા સામે ઝઝૂમી રહી છે. ઝડપી બોલર બ્રાયડન કાર્સ અને પ્રભાવશાળી ઓલરાઉન્ડર જેમી ઓવર્ટન ફિટનેસના કારણે પસંદગી માટે ઉપલબ્ધ નહોતા. આ જ કારણસર પસંદગીકારોએ સાવચેતીના ભાગરૂપે અપેક્ષા કરતાં થોડો મોટો સ્ક્વોડ જાહેર કર્યો છે. ઇંગ્લેન્ડના મુખ્ય પસંદગીકાર માર્કસ નોર્થે જણાવ્યું હતું કે, “ન્યૂઝીલેન્ડ સામેની ટેસ્ટ સિરીઝ પૂરી થતાં જ ભારત સામેની શ્રેણી શરૂ થઈ રહી હોવાથી ખેલાડીઓનો વર્કલોડ મેનેજ કરવો જરૂરી હતો. જેમ્સ કોલ્સે પોતાની મહેનતથી આ સ્થાન મેળવ્યું છે અને ટીમમાં વધારાના વિકલ્પો હોવા અત્યંત અનિવાર્ય છે.”

ઇંગ્લેન્ડની 17 સભ્યોની સત્તાવાર T20 ટીમ:

હેરી બ્રૂક (કપ્તાન), રેહાન અહમદ, જોફ્રા આર્ચર, સોની બેકર, ટોમ બેન્ટન, જેકબ બેથેલ, જોશ બટલર, જેમ્સ કોલ્સ, જોર્ડન કોક્સ, સેમ કરન, લિયમ ડોસન, વિલ જેક્સ, સાકિબ મહમૂદ, આદિલ રશીદ, ફિલ સોલ્ટ, જોશ ટંગ, લ્યુક વુડ

આ પણ વાંચો: નાઈટ ક્લબ વિવાદ: બેન સ્ટોક્સ તો બચી ગયો પણ હવે ઈંગ્લિશ ક્રિકેટ બોર્ડ અને મેનેજમેન્ટ પર ગંભીર સવાલ

ભારત vs ઇંગ્લેન્ડ: સંપૂર્ણ શિડ્યુઅલ (T20I & ODI)

તારીખ મેચ વિગત                સ્થળ

1 July પ્રથમ T20 મેચ         ચેસ્ટર-લે-સ્ટ્રીટ

4 July બીજી T20 મેચ         માન્ચેસ્ટર

7 July ત્રીજી T20 મેચ         નોટિંગહામ

9 July ચોથી T20 મેચ         બ્રિસ્ટલ

11 July પાંચમી T20 મેચ         સાઉથહેમ્પ્ટન

14 July પ્રથમ વનડે (ODI) બર્મિંગહામ

16 July બીજી વનડે (ODI) કાર્ડિફ

19 July ત્રીજી વનડે (ODI) લોર્ડ્સ