Gujarat Weather Update: Orange Alert in 21 Districts Till 1 PM, Strong Winds Expected | Gujarat News

ગુજરાતમાં ચોમાસું આક્રમક બન્યું છે, જેના પગલે હવામાન વિભાગ દ્વારા રાજ્ય માટે વધુ એક વેધર બુલેટિન જાહેર કરવામાં આવ્યું છે. હવામાન વિભાગની તાજી આગાહી અનુસાર, આજે બપોરે 1 વાગ્યા સુધી ઉત્તર, દક્ષિણ અને મધ્ય ગુજરાત સહિત રાજ્યના કુલ 21 જિલ્લાઓમાં ‘ઓરેન્જ એલર્ટ’ જાહેર કરવામાં આવ્યું છે. આ સમયગાળા દરમિયાન આકાશમાં કાળાડિબાંગ વાદળોની ઘેરાબંધી સાથે મુશળધારથી અતિભારે વરસાદ તૂટી પડવાની પૂરેપૂરી સંભાવના છે. આ સાથે જ દરિયાકાંઠાના અને મેદાની વિસ્તારોમાં 41 થી 61 કિલોમીટર પ્રતિ કલાકની તોફાની ઝડપે પવન ફૂંકાવાની પણ કડક ચેતવણી આપવામાં આવી છે.

બનાસકાંઠા, સાબરકાંઠા અને અરવલ્લી જિલ્લામાં વરસાદ 

હવામાન વિભાગના જણાવ્યા અનુસાર, ઉત્તર ગુજરાતના બનાસકાંઠા, સાબરકાંઠા અને અરવલ્લી જિલ્લામાં મેઘરાજા ધમાકેદાર બેટિંગ કરશે. જ્યારે મધ્ય ગુજરાતના પંચમહાલ, મહિસાગર અને ખેડા જિલ્લાને પણ આ ઓરેન્જ એલર્ટમાં આવરી લેવામાં આવ્યા છે. 

Also Read

Surat: યોગી ચોકમાં નિર્માણાધીન બિલ્ડિંગ પાસે જમીન ધસી પડી, વીજ થાંભલા તૂટતા અંધારપટ | Gujarat News

દક્ષિણ ગુજરાતમાં વહિવટીતંત્રને એલર્ટ

દક્ષિણ ગુજરાતની વાત કરીએ તો ભરૂચ, સુરત અને નવસારીમાં અતિભારે વરસાદની આશંકાને પગલે વહીવટી તંત્રને કોઈપણ આપત્તિને પહોંચી વળવા માટે એલર્ટ મોડ પર મૂકી દેવામાં આવ્યું છે. નીચાણવાળા વિસ્તારોમાં જળબંબાકારની સ્થિતિ ન સર્જાય તે માટે પ્રશાસન નજર રાખી રહ્યું છે.

Also Read

New EPF Scheme 2026 There is no claimant for Rs 9330 crore lying in 31 lakh PF accounts big revelation in RTI | Gujarat News

સૌરાષ્ટ્રના કેટલાક જિલ્લાઓમાં પણ મેઘરાજાનો ભારે પ્રકોપ 

બીજી તરફ, સૌરાષ્ટ્રના કેટલાક જિલ્લાઓમાં પણ મેઘરાજાનો ભારે પ્રકોપ જોવા મળી શકે છે. ખાસ કરીને અમરેલી, જૂનાગઢ અને ભાવનગરમાં ઓરેન્જ એલર્ટ જાહેર કરાયું હોવાથી સ્થાનિક નદી-નાળાઓમાં ઘોડાપૂર આવવાની સંભાવના વધી ગઈ છે. તંત્ર દ્વારા નાગરિકોને બપોરે 1 વાગ્યા સુધી બિનજરૂરી રીતે ઘરની બહાર ન નીકળવા, નબળા બાંધકામો અને ઝાડ કે વીજળીના થાંભલાથી દૂર રહેવા ખાસ અપીલ કરવામાં આવી છે. ભારે પવનના કારણે વાહનચાલકોને હાઈવે પર સાવચેતીપૂર્વક વાહન ચલાવવા સૂચના અપાઈ છે. 

આ પણ વાંચો—-   Gujarat Latest News Live : બપોરે એક વાગ્યા સુધી ઉત્તર, દક્ષિણ, મધ્ય ગુજરાતમાં 21 જિલ્લામાં ઓરેન્જ એલર્ટ