અનિલ અંબાણીની રિલાયન્સ ઇન્ફ્રાસ્ટ્રક્ચરની પેટાકંપની રિલાયન્સ ડિફેન્સ લિમિટેડને જર્મન સંરક્ષણ કંપની રાઈનમેટલ વેફે મ્યુનિશન GmbH તરફથી ₹600 કરોડનો મહત્વપૂર્ણ એક્સપોર્ટ ઓર્ડર મળ્યો છે. આ ઓર્ડર હાઇ-ટેક દારૂગોળાના ઉત્પાદન માટે છે અને રિલાયન્સ ડિફેન્સના વૈશ્વિક વિસ્તરણ માટે એક મોટા મોકા તરીકે જોવામાં આવી રહ્યો છે.
વ્યૂહાત્મક ભાગીદારીના પરિણામ
આ ઓર્ડર તાજેતરમાં રિલાયન્સ અને રાઈનમેટલ વચ્ચે થયેલી વ્યૂહાત્મક ભાગીદારીના પરિણામે મળ્યો છે. કંપનીએ જણાવ્યું કે આ સહયોગ ભારતના ‘મેક ઇન ઇન્ડિયા’ અને ‘આત્મનિર્ભર ભારત’ મિશનને બળ આપશે અને રિલાયન્સને ટોચના સંરક્ષણ એક્સપોર્ટર તરીકે સ્થાન અપાવશે.
શેરમાં નોંધપાત્ર વૃદ્ધિ
ઓર્ડરના સમાચાર બાદ રિલાયન્સ ઇન્ફ્રાના શેરે 5%નો ઉછાળો લઈ ₹404.05 સુધીનો ભાવ સ્પર્શ્યો હતો. તાજેતરના સમયમાં શેરે નોંધપાત્ર વૃદ્ધિ નોંધાવી છે, માસિક 37%, ત્રિમાસિક 64% અને વાર્ષિક 90%થી વધુ. જોકે કેટલાક વિશ્લેષકોએ આ શેરમાં લઘુગાળાના સટ્ટા સિવાય રોકાણ ટાળવાની સલાહ આપી છે.
