રિયલ એસ્ટેટ કંપની DLF લિમિટેડે ગુરુગ્રામમાં તેના નવા રહેણાંક પ્રોજેક્ટના લોન્ચિંગના એક અઠવાડિયાની અંદર લગભગ 11,000 કરોડ રૂપિયાના તમામ 1,164 લક્ઝરી એપાર્ટમેન્ટ વેચી દીધા છે.
DLF એ બુધવારે સ્ટોક એક્સચેન્જ ફાઇલિંગમાં તેની નવીનતમ લક્ઝરી ઓફર ‘DLF પ્રીવાના નોર્થ’ ના વેચાણની જાહેરાત કરી. પ્રોજેક્ટ લોન્ચ થયાના માત્ર એક અઠવાડિયામાં જ આ વેચાણ લગભગ રૂ. 11,000 કરોડમાં કરવામાં આવ્યું હતું. આ પ્રોજેક્ટ ગુરુગ્રામના સેક્ટર 76 અને 77 માં 116 એકરના સંકલિત ટાઉનશીપ ‘DLF પ્રીવાના’ નો એક ભાગ છે.
DLF હોમ ડેવલપર્સના જોઈન્ટ મેનેજિંગ ડિરેક્ટર અને ચીફ બિઝનેસ ઓફિસર આકાશ ઓહરીએ જણાવ્યું હતું કે, “આ DLFના વિશાળ શ્રેણીના આવાસો પૂરા પાડવાના વિઝનને પ્રતિબિંબિત કરે છે…” તેમણે કહ્યું કે મજબૂત વેચાણ પ્રતિસાદ DLFની ઓફરિંગ માટે સ્પષ્ટ માંગને પ્રતિબિંબિત કરે છે, જે અમારા અગાઉના પ્રોજેક્ટ્સની સફળતાને કારણે છે. “અમે ભારત અને વિશ્વભરના ખરીદદારો તરફથી રસ જોયો છે,” ઓહરીએ કહ્યુ
અગાઉ, સૂત્રોએ જણાવ્યું હતું કે DLF ગુરુગ્રામમાં આ નવા લક્ઝરી હાઉસિંગ પ્રોજેક્ટને વિકસાવવા માટે લગભગ રૂ. 5,500 કરોડનું રોકાણ કરશે. કંપનીએ ગયા વર્ષે આ 116 એકર ટાઉનશીપમાં બે પ્રોજેક્ટ શરૂ કર્યા હતા અને તેમને લગભગ રૂ. 12,800 કરોડમાં સંપૂર્ણપણે વેચી દીધા હતા. DLF દેશના અગ્રણી રિયલ એસ્ટેટ ડેવલપર્સમાંનું એક છે.
