Govinda Comeback: સુનિતાની નારાજગી વચ્ચે એક્ટરની નવી ફિલ્મોની જાહેરાત

ગોવિંદા અને સુનિતા આહુજાના 38 વર્ષના લગ્નજીવનને બોલિવુડનું આદર્શ જોડું માનવામાં આવે છે. છતાં, છેલ્લા સમયથી તેમના મતભેદોની ચર્ચા સતત હેડલાઇન્સમાં છે. હવે, સુનિતાએ ખુલીને ગોવિંદા પ્રત્યેની પોતાની નારાજગીનું સાચું કારણ જાહેર કર્યું છે.

• સુનિતા ગોવિંદાથી કેમ નારાજ?

સુનિતા આહુજાએ કહ્યું કે ગોવિંદા લાંબા સમયથી કામ નથી કરી રહ્યા અને એ જ વાત તેમને ખટકે છે. તેમના શબ્દોમાં:

“તે એટલો સારો હીરો છે, છતાં કામ કરતો નથી. તેને પોતાનું મૂલ્ય ખબર નથી. ધરમજી 88 સુધી કામ કરે છે, અમિતજી આજે પણ કરે છે, તો ગોવિંદા કેમ નહીં?”

તેમણે વધુમાં કહ્યું કે લોકડાઉન દરમિયાન ગોવિંદાએ OTT પર સારું કામ કર્યું, સારી કમાણી પણ થઇ, છતાં એક્ટરની માન્યતા છે કે — “હું મોટા પડદાનો હીરો છું, નાના પડદા પર કેમ કામ કરું?”

• આ જ વિચારધારા તેમના વચ્ચેનો મુખ્ય મતભેદ છે.

સુનિતાનાં કહેવા મુજબ, OTT આજનો ટ્રેન્ડ છે અને દરેક કલાકાર તેમાં કામ કરી રહ્યો છે; છતાં ગોવિંદા સંમત નથી થતાં, જેના કારણે તણાવ ઉભો થાય છે.

• તેઓ કહે છે:

“હું ક્યારેય તેને એવું કામ નહીં કહું જેનાથી તેની પ્રતિષ્ઠા ખરાબ થાય. હું ફક્ત ઇચ્છું છું કે તે સારું કામ કરે.”

• ગોવિંદાનો કમબેક

ગોવિંદા લાંબા સમયથી સિનેમા જગતથી દૂર છે, પરંતુ આ વર્ષે તેણે પોતાની નવી ફિલ્મ **‘દુનિયાદારી’**ની જાહેરાત કરી છે.

રિપોર્ટ્સ મુજબ, તે સલમાન ખાન સાથે **‘બેટલ ઓફ ગલવાન’**માં પણ મુખ્ય ભૂમિકા ભજવશે.