Love in Vietnam ફિલ્મે રચ્યો ઇતિહાસ, ચીનમાં 10,000 સ્ક્રીન પર રિલીઝ

દુનિયાના ઘણા દેશોની જેમ ચીનમાં પણ હિન્દી ફિલ્મોનો ક્રેઝ છે. ચીનમાં કેટલીક હિન્દી ફિલ્મોએ શાનદાર બિઝનેસ કર્યો છે. બોલિવૂડમાં એક એવી ફિલ્મ છે જેણે ચીનને કારણે કમાણીના બધા રેકોર્ડ તોડી નાખ્યા છે.

આ દરમિયાન, અવનીત કૌર અને શાંતનુ મિહેશ્વરીની ફિલ્મ ‘લવ ઇન વિયેતનામ’એ ઇતિહાસ રચ્યો છે. તે ચીનમાં 10,000 સ્ક્રીન પર રિલીઝ થનારી પહેલી ભારતીય ફિલ્મ બનશે.

જાણો દિગ્દર્શકે શું કહ્યું?

આ મોટી સિદ્ધિ વિશે વાત કરતા, ફિલ્મના દિગ્દર્શક રાહત શાહ કાઝમીએ કહ્યું, ‘લવ ઇન વિયેતનામ એક ડ્રીમ પ્રોજેક્ટ રહ્યો છે. અમે આ ફિલ્મમાં અમારું હૃદય અને આત્મા રેડી દીધા છે અને તે ખરેખર ગર્વની વાત છે કારણ કે અમે ભારતમાં રિલીઝ થાય તે પહેલાં જ ચીનમાં 10,000 સ્ક્રીનો મેળવીને ઇતિહાસ રચ્યો છે .’

આ ફિલ્મમાં આ કલાકારો જોવા મળશે

અભિનેત્રી અવનીત કૌર શાંતનુ મહેશ્વરી ઉપરાંત, વિયેતનામી અભિનેત્રી ખા નાગન પણ મુખ્ય ભૂમિકામાં છે. ફરીદા જલાલ, ગુલશન ગ્રોવર, રાજ બબ્બર જેવા દિગ્ગજ કલાકારો પણ જોવા મળશે. આ ઉપરાંત ફિલ્મમાં પંજાબ અને વિયેતનામના સુંદર સ્થળો પણ બતાવવામાં આવ્યા છે.

‘Love in Vietnam’ ક્યારે રિલીઝ થશે?

ઓમંગ કુમાર, કેપ્ટન રાહુલ બાલી દ્વારા નિર્મિત અને રાહત શાહ કાઝમી દ્વારા દિગ્દર્શિત આ ફિલ્મ 12 સપ્ટેમ્બર 2025 ના રોજ દેશભરમાં રિલીઝ થશે. આ ઉપરાંત, આ ફિલ્મ 2025 ના ક્રિસમસ દરમિયાન ચીનમાં 10,000 સ્ક્રીન પર રિલીઝ થશે.